حب نتيجة خطأ طبي

الجزء المئة و الواحد و التسعون

حب نتيجة خطأ طبي
#بارت191♡♡

داز هاد نهار وجا نهار جديد..

عند زمرد فاقت فطرات وطلعات لبيتها باش تبدل حوايجها حيت غتمشي للشركة عند منصف دير داك البحت لي خاصها...

قادات ميكاب ديالها هو اللول دارت مكياج خفيف مبغاتش تعيق.. ولبسات سروال ديال الفصالة فالكحل مع تيشورت بالبيض جمعات شعرها الفوق كودشوفال ولبسات سبرديلة فالبيض معزيزش عليها طالون بزاف كيعدبها فالمشية.. رشات بارفان ديالها ولاحت من الفوق واحد المونطو طويل بالقهوي حد الركبة جاها كلاص.. هزات صاك ديالها دارت فيه كاع داكشي لي غادي تحتاج ومنساتش حتى تيليفونها وهبطات لتحت باش تمشي..

خرجات برا الجردة قالت للشيفور يجيب طموبيل باش يوصلها للشركة..

داز الوقت

وزمرد يالاه توقفات بيها الطموبيل قدام الشركة..

نزلات من الطموبيل دورات عينيها على الشركة كاملة عاد تقدمات كتمشا بخطى تابتة.. حتى وصلات حدا البنت لي كتكون فالاستقبال..

زمرد: سلام.. واش منصف كاين..

....: اه الالة كاين بلاتي نعلمو بلي جيتي عندو..

زمرد: لا بلاش غير خليك انا غندخل عندو شكرا...

عطاتها زمرد بالظهر تمشات جيهة لاسانسور كتسناه يتحل ممنتابهاش لدوك جوج لي من الصباح كيوشوشو عليها.. كانت السكرتيرة ديال منصف هي و واحد البنت..

البنت: شوفي شوفي هاديك لي قالو عليها مرات مسيو منصف ههه..

السكريتيرة(كطلع فيها وتهبطها): معرت اختي اش عجبو فيها منين جاها زين كاين ماحسن منها...

نطقات ديك البنت: وبلا متكدبي على راسك السيدة غزالة تبارك الله وباينة عليها بعقلها مسيو منصف عندو الدوق..
ديك السكريتيرة خنزرات فيها وهي تعطيها بالظهر كتمشى وهي مفقوصة...

نرجعو عند زمرد لي وصلات حدا البيرو ديال منصف دقات جوج دالمرات وتسمع صوتو كيستأذن ليها دخل..
حطات يديها على البواني حلات الباب دخلات غير راسها حتى كيبان ليها محني على شي وراق قدامو وكاس ديال القهوة حداه كيجغم منو..

زمرد: سلاام..

منصف طلع راسو بانت ليه زمرد..
منصف(بابتسامة): سلام دخلي.
دخلات زمرد تمشات عندو وجلسات مقابلة معاه..

زمرد: احم جيت على داك البحت لي كانو طلبو لينا ونتا قلتي ليا نقدر نديرو على الشركة ديالك...

منصف: وي خاصك بعدا تشوفيهم كفاش خدامين.. انا غنوريك شي حاجة عندي هنا فالبيسي منبعد غتمشي مع السكرتيرة توريك الخدمة  ديالهم وباش مكلفين اوكي!

زمرد: اه صافي..

منصف: جيبي الكرسي حدايا واجي..
داكشي لي دارت كحزات الكرسي حداه وجلسات جبدات من صاكها المذكرة ديالها وستيلو باش تسجل اي معلومة غادي تحتاجها وباش يكون البحت ديالها متكامل...

#يتبع...