حب نتيجة خطأ طبي

الجزء المئة و التاسعة التسعون

حب نتيجة خطأ طبي
#بارت199♡♡

امجد لي بقا واقف فبلاصتو وهي عاطياه بالظهر كتنشف شعرها..

امجد: واش نتي صافا؟؟

دار تمشا جيهتها..

سارة: اه صافا ونتا!

امجد زاد قرب منها كتر حط يديه بجوج فوق الكوافوز حاوطها بيهم وكيشوف فيها.. اما سارة دارت عندو عاقدة حجبانها كتشوف فيه باستغراب وفنفس الوقت متوترة من هاد القرب كامل لي بيناتهم..

سارة: بعد لهيه مالك مخشي فيا!!

امجد مخنزر: عاودي شنو قلتي ننشف ليك شعرك ياك!

سارة(عاد استوعبات شنو قالت عضات شفافيها من كترة الفقصة): احم لا اا مقلت والو...

امجد: ياك عاد كنتي معصبة حيت لبستك حوايجك..

سارة: اييه وباقي معصبة داكشي علاش بعد حسن ليك..

امجد(ضحك بتحدي): والا مبعدتش..
سارة صافي طلعات ليها القردة للراس اصلا معصبة وكيزيد يستفزها بهضرتو..

سارة(بعصبية): واااا زمرد بعد لهيه  ندووز ولااا عرفتي شنوو يالاه ديني فحالاتي ياالااه..

امجد: نديك لجهنم الكحلة إلى مسديتيش فمك..

سارة: وا الخراا المرضضض زمممر حييد..
امجد ضربها لفمها باللور تاع يديه ونطق.

امجد: الفم لي باقي يخسر الهضرة راك مسعورة مع راسك اممم..
سارة لي بقوة الضربة دغيا بدات كتبكي ليه اصلا كانت غير على سبة..

سارة: هئئئ نتا هئئىى نتا خاايب علاش ضربتيني هئئى ضريتيني ف فمي تفوو عليك..
انا امجد بقا كيشوف فيها ودموعها لي كينزلو بقا حاضيها وكفاش كتعض شفايفها حتى ولاو حمرين جميع تفاصيلها رد ليهم البال وتصرفاتها الطفولية..

وبلا مقدمات نقض على شفايفها كلتاهم فيهم ناسي راسو وناسي شكون هي هادي لي كيبوس فيها ناسي بلي مكتجمعهم حتى علاقة ناسي كلشي تبع قلبو وإحساسو شنو قال ليه.. قبلة لي كانت سطحية مستمتع بيها غير هو.. اما سارة طرطقات عينيها على حدهم وفشنو كيدير فيه هدا توقعات منو كلشي حتى لهاد التصرف لي دار متوقعاتوش بغات تبعد  وفنفس الوقت مقدراتش تزيد تعمق معاه كتر من القياس.. فينما كتبغي تبعد شفايفها كتحس براسها كدوب حتى بدات كتستتلم ليه.. تفكرات راسها وشكون هي والاخلاق لي تربات عليهم وهضرة ماماها" متخلي حتى واحد اضحك عليك ابنتي" هاد الجملة لي تفكراتها وهي تحل عينيها عامرين بالدموع حسات بالحكرة حسات بلي هي رخيصة وأي واحد تقدر تقدم ليه راسها حسات بتأنيب الضمير وبلي فأي لحظة تقدر تجيب العار لواليديها بزاف ديال الاحاسيس لي قررات ترجمهم فتصرف واحد هي تجمع كل ما عندها من قوة ودفعو بالجهد وعطاتو بتصرفيقة للوجه...

امجد لي مستمتع بهاد القبلة حتى قاطعاتو هي بديك التصرفيقة لي عطاتو لي مرضاش مرضاااش بنت ترفضو حس براسو هانتو فرجولتو ولكن فنفس الوقت الغلط كان ديالو مكانش عليه اتقرب منها هو براسو مكانش واعي بشنو كيدير ولكن هي لي ستافزاتو...

#يتبع...