حب نتيجة خطأ طبي

الجزء السادس و الستون

حب نتيجة خطأ طبي
#بارت66♡♡

منصف او زمرد أو رانيا و فاطمة غير ساكتين وكيشوفو كيتسناوها اش غتقول...
سي محمد:وعلاش بغيتي هاد اللقاء...

لالة الياقوت:بغيت كلشي اعرف بلي غندير عرس اولدي منصف العمراني(كتقولها وهي مفتاخرة) غنديرو عرس اهضر عليه الكبير والصغير...
منصف:الواليدة مكاين لاش هادشي كامل صيفطي غير الدعوات باركة..
لالة الياقوت:لا داكشي لي عندي قلتو..
منصف:امم اك وامتا بغيتي هاد اللقاء يكون..
لالة الياقوت:بعد غذا نشاء الله،والسيمانة جاية العرس اش بان ليكم
رانيا: ماما ماشي زربتي شويا؟
لالة الياقوت:ن
مزربت ما والو فنضري وقت مزيان غنوجدو كلشي فالوقت..
سي محمد:صافي مزيان نشاء الله(ناض واقف)يالاه نخليكم تصبحو على خير...

ناضت لالة الياقوت حتى هي مشات تنعس وفاطمة ورانيا..
زمرد لي طلعات لغرفتها مخليا منصف التحت مشات بدلات حوايجها ودارت روتينها المسائي وتخشات فبلاصتها مستسلمة للنوم..عند منصف من بعد ما هضر واحد الابيل كتخص الخدمة طلع حتى هو البيت لاقاها ناعسة مشا دخل ل الدريسينغ لبس شورط فالكحل وتيشورت ف الكري ومشا تخشا حداها مقابل معاها كيشوف فيها ويتأمل وعقلو خدام كيفكر...بقا هكك كيشوف فيها وساهي بحال كل ليلة شي 15 دقيقة عاد غمض عينيه كيقلب على النعاس...

صباحنا مودة ورحمة من رب العالمين💗🌷

عند بطلتنا لي فايقة ناشطة وتجبد ف ايديداتها ضورات راسها بان ليها ناعس وملامحو كيبانو هادئين...
زمرد:ياا شحال كيبان مهدن ملي كيكون ناعس حسن ملي كيكون فايق ديما عاقد غوباشتو(ميلات شفايفها) ناضت من حداه بشوية باش مديرش الحس زعما
دخلات الدريسينغ تبدل عليها باش تهبط تفطر .
اما عند منصف لي كان فايق ملي يالاه سمعها تحركات وسمع حتى هضرتها لي قالت دار نصف ابتسامة ودغيا جمعها ناض دخل الدوش باش ادوش حيت خدام نهار كامل...
زمرد لي لبسات حوايجها لي كانو عبارة على صاية فاللون الأصفر كتجي طويلة تحت الركبة معاها تيشورت بيض خاشياه تحت منها و صنيديلة فالبيض جمعات شعرها كوب شوفال وخرجات مبانش ليها فالغرفة عرفاتو غيكون كيدوش حيت سمعات الما مطلوق فالدوش

هبطات التحت لقات ماماها ورانيا ولالة الياقوت جالسين مجموعين والخادمات كينزلو الفطور فوق
الطاولة...
باست ماماها وقالت ليهم "صباح الخير"وجلسات

#يتبع...