حب نتيجة خطأ طبي

الجزء الواحد و العشرون

حب نتيجة خطأ طبي
#بارت21♡♡

كنزة لي طبطبات على كتفها عاد نطقات (ترددات فاللول ولاكن قالتها)

كنزة: واش ماماك احم واش ميتة؟؟
زمرد بخوف: لا اخالتي الله ينجيها!
كنزة بتوتر: اه كنعتدر ابنتي و علاش نتي مساكناش معاها؟

زمرد( بحال الا عطيتيها الضو الخضر باش تبكي وتخوي ما فقلبها) لي طلقات العنان ل دموعها: هئ هئ حيت جرا عليا بابا هئ بابا جرا عليا من الدار.. انا مبقا ليا تاشي حد عندمن نمشي هئ هئ هو هو خرجني من الدار بلاما يحن قلبو بلاما يفكر لاحني للزنقة!!

كنزة بقات فيها زمرد : الله ابنيتي وعلاش واش كاين شي أب كيسمح فكبدتو؟
زمرد كتبكي و شهقاتها مسموعين: هئ هى جراا علياا حيت يسحاب ليه انا ضيعت شرفي و أنا هئئ و أنا والله مدرت شي حاجة تنحلف ليك عمرني درت شي حاجة هئ هئ(حطات يديها على وجهها كتبكي؛ اصلا كانت محتاجة لي يسمع ليها ويسولها مالك ويعطيها وقت بغات تفش قلبها) هئ هئ أنا عمرني درت شي حاجة لي توسخ شرفي ولا عمرني طعنتو فظهرو هئ هئ لكن هو بعملة ديالو حطمني خلاني نموت.. انا تمنيت لموت و منشوفش فعينيه ديك النظرة هئ هئ انا بريئة من هادشي هئ هئ هو ظلمني حسيت بالحگرة هئ هئ انا بغيت نموت بغيت نموت هئ هئ

كنزة لي قطعات ليها فقلبها بقات فيها بنت صغيرة وزوينة تعيش هادشي عنقاتها عندها وخلاتها تبكي وتخوي ما فقلبها (بقات هكك مدة كتبكي و تتردد جملة "أنا بغيت نموت" حتى تفشات)

كنزة بخزن: بنتي واش شوية؟؟
زمرد: اه هئ هئ صافي ممالي والو (كتمسح عينيها بيديداتها)
كنزة: وملي نتي مدرتي والو علاش جرا عليك؟
زمرد مسحات دموعها و تنفات مزيان:  انا غنعاود ليك كلشي اخالتي

كنزة لي كتصنت ليها زمرد عاودات ليها كلشي منين مشات عند الطبيب حتى لمنين حاولات تنتاحر وعتقها منصف.. و كل مرة تتوقف من الهضرة بسبب شهقاتها لكن ملي سالات حيات بالراحة بلي خرجات گاع داكشي لي كان ضارها فالداخل..

كنزة عنقاتها لعندها: صافي مديريش فبالك ياك نتي مدرتي تا حاجة اوا صافي
زمرد: انا لي بقا فيا هوا بابا متاقش بيا  و ظلمني وخا عارفني هئهئ عارفني منقدرش ندير شي حاجة لي تجيب ليه العار علاش مثاقش بيا أنا لي بنتو؟؟
كنزة: مسحي دموعك و غسلي وجهك يلاه نكملو عشانا كلشي غيتصلح نشاء الله يالاه نوضي..

داكشي لي كان ناضت زمرد غسلات يديها و وجها وكملو لماكلة وهوما كيتكلمو فمواضيع اخرى

ف بلاصة خرا عند رانيا

لي كانت خارجة كيف العادة مع إلياس بطبيعة الحال كتكدب على ماماها على اساس غتلاقى مع صحاباتها وغافلة على الشخص لي متبع گاع تحركاتها وشنو كدير وملي كان إلياس كيتقرب منها كاع هادشي صورو..

رانيا و إلياس لي كانو جالسين فواحد الجردة حدا بعضياتهوم كيدويو و إلياس لي جالس كياكل ليها عقلها بالهضرة الخاوية وهي متيقاه

رانيا حاطة راسها على كتافو وشادا فيديه: امتى غتجي تخطبني ا إلياس راه ميمكنش ليا كل مرة نتلاقى معاك بالتخبية بغيت نكملو حياتنا بجوج..
إلياس: راكي عارفا احبيبة باقي مقادر على الزواج وباقي مقادر نعيشك فالمستوى لي نتي فيه..

رانيا طلعات فيه عينيها ودوات

رانيا: ولكن انا مقلتش ليك باغا نعيش معاك فالفيلات.. انا يكفيني انك تكون فجنبي داكشي لاخر ماشي مهم..
إلياس مبتاسم بزز: نشاء الله احبيبة نشاء الله...
#يتبع