حب نتيجة خطأ طبي

الجزء المئة و الرابع و الأربعون

حب نتيجة خطأ طبي
#بارت144♡♡

نهار الثالث
فاقت زمرد بكري واخا هاد الأيام تقريبا متتنعسش و هي باقة فدار لگنازة.. تيستعدو يمشيو للمقبرة باش يزورو قبر فاطمة.. هادي هي عادتهم نهار الثالث تيمشيو باش العيالات حيت متيحضروش للدفين يزورو القبر ديال الميت.. كانت الدار محلولة تيستقبلو الجيران لي دخلو لفطور طول هاد الأيام تيطيبو و يجيبو للدار و حتى هائلة منصف كاينين فالدار كلهم تينعسو و يفيقو تما.. حتى من كنزة تتبات تماك و سارة باتت غير نهار لول..

تجمعو العيالات و حطو لفطور غير فطرو خرجو طونوبيلات بزااف منصف راكبة حداه زمرد و فلور سارة و مها.. طونوبيل ديال أمجد لي سايق حداه باه و لور رانيا و كنزة.. و بزااف ديال طونوبيلات خرين.. وصلو للمقبرة و قدام لقبر.. منصف شاد فيد زمرد لي جميع الأنظار عليها خايفينها تأزم.. جا واحد المقرئ من لي تيكونو فالمقابر بدا تيقرا القرآن على قبر و غير سالا بدا تيدعي و الكل متخشع فالدعاء و تيرددو آمين وراه.. زمرد الدموع تيهبطو من عينيها و منصف راد معاها البال.. غير سالاو المل مشا باش يوزعو الماكلة على السعايا لي تما فسبيل يتقبل فميزان حسنات فاطمة.. أما زمرد بقا معاها منصف و دار اشارة لسارة زعما راها معايا متخافيش.. و مشات و خلاتهم

زمرد: قول ليا ماتتش عفاك!! مقادراش نتيق بلي ولات تحت تراب هئ هئ
زمرد بدات تتبكي و منصف معجبوش الحال مكانش باغي يجيبها للمقبرة عارف غادي تأزم حالتها..
منصف: الموت علينا خق أ زمرد
زمرد: منقدرش!! هئ هئ بزاااف عليا هئ هئ... عام واحد كلشي تبدل باراكة عفاك باراكة.. هئ هئ
منصف بعدها عليه و حط يديه على دقنها معليه حتى جاو عينيها مقابلين عينيه

منصف: انا معاك! كاين دابا أنا!
زمرد تتشوف فيه و عينيها مغرغرين بحالا تتشكي عليه باش تتحس و بغاتو يواسيها.. و معرفاتش علاش.. لكن حاسة براسهز محتاجة ليه محتاجاه يقول ليها أنا معاك نتي ماشي بوحدك و يطمنها..

زمرد: لا مكاين تاشي حد! كاين غير زمرد!!

منصف تيشوف فعينيها و قلبو تيضرب بالجهد باغي يضمها ليه و يقول ليها أنا معاك و نتي من نهار شفتك عمرك كنتي بوحدك ولا غتولي بحدك شي نهار لكن لسان عاجز يعبر ليه

منصف: أنا معاك أ زمرد عمرك تحيدي هادشي من بالك!!
زمرد: بصفتك شنو؟
منصف: أنا راجلك! واخا زواجنا غير على الورق.. أنا راجلك!

على اثر هاد الكلمات وساعو عينيه بالصدمة.. شكون من غيرو أمجد و قلبو بدا تيضرب بالجهد و عقلو تيتردد غير جملة وحدة "زواجنا غير على الورق"

#يتبع