حب نتيجة خطأ طبي

الجزء الثامن و الاربعون

حب نتيجة خطأ طبي
#بارت48♡♡

تمشات حتى وصلات لعندو...

رانيا:معاذ واش بغيتيني فشي حاجة؟؟
معاذ: واش باقي كتلقاي بيه ولا عمرو مزال تعرض ليك؟
رانيا:امم شكون

معاذ: راك عارفاني علامن كنهضر
رانيا: اه!!لا لا مبقيتش نهضر معاه
معاذ هبط عينيه كيشوف فيها بجدية و نطق: الا جاب الله تعرض ليك مرة خرا قوليها ليا اوكي
رانيا: اه واخا مم شكرا ليك..

دارت غادية مخلياه تما متبع ليها العين حتى دخلات و هو يتنهد واحد تنهيدة حاارة خارجة من القلب...

الساعة 12 دالليل

الضياف مشاو فحالاتهم حتى من العائلة كل واحد مشا لبيتو ارتاح

عند زمرد

لي فبيتها دخلات دوشات خرجات لاوية عليها فوطة مشات لدريسينغ جبدات بيجامة فالكحل توب ديالها حريري لبساتها و نشفات شعرها و تخشات فالفراش مستسلمة للنعاس..

منصف لي كان غادي البيت ديالو ارتاح حتى عيط ليه باباه بغا يهضر معاه.. تبعو المكتب ديالو و جلس كيتسناه اهضر

جلس سي محمد مقابل معاه وعاقد غوباشتو

سي محمد مخنزر: كنتسناك تشرح ليا علاش درتي هكاك!!
منصف دار علامات استغراب على وجهو: اشنو قصدتي؟
محمد: كنهضر على مراتك.. علاش تبعتيها و عتقتيها ملي كانت باغا تنتاحر وسكنتيها فدارك جبتي ليها السيدة تقابلها؟؟؟ اممم
منصف: شنو بغيتيني نخليها تموت!
سي محمد بجدية: مقلتش ليك خليها تموت كان يمكن ليك تعيط على البوليس و لا دير شي حاجة ماشي ضروري تعتقها نتا براسك!! زايد عليها دخلتيها لدارك وخا مكتعرف عليها والو معرفتيش حتى عائلتها
منصف: الواليد الله يهديك انا درت فيها خير و صافي اي واحد فبلاصتي غيدير بحالي
سي محمد: وهي عارفة بلي باباها مات؟

منصف لي مكانش عارف بلي باباها مات و قال مع راسو بلي زمرد غتكون عارفة.. مبغاش يقوليه بلي معارفش مراتو باباها ميت.. خصوصا ملي كيتفكر بلي هو لي جرا عليها مبقا عارف والو واش هيا فخبارها ولا لا

منصف: وي عارفا يالاه تصبح على خير

ناض غادي لغرفتو انعس حيت عيان.. دخل لقاها ناعسة كيف ديما و شعرها لي باقي فازك ملامحها الهادئة... كتجيه بريئة كتر من القياس معرفش واش غير كتبان عليها ولا هيا فعلا كيفما كيتخايلها

تخشى حداها فالفراش مقابل معاها كيشوف فيها و عقلو خدام كيفصل و يخيط بزاف ديال الحوايج كيتسأل عليهم، بزاف ديال الحوايج معارفهمش عليها.. واش هو غير جا و تزوجها؟ كفاش ولات مراتو؟ هو لي كان كيقول گاع النسا بحال بحال كيهمهم غير المظاهر و الفلوس.. عمر فكرة الزواج جات فبالو حيت كيقول مغيلقاش هادي لي تبغيه كيفما هو بعصبيتو بالبرود ديالو وخا كيبان بارد و هادئ لأقصى الحدود و ممسوقش بالمرة و لكن غير كيحاول يخبي البركان لي فالداخل ديالو لي فأي لحضة يقدر ينفجار فوجه شي واحد

بقا هكاك تيشوف فيها و هي ناعسة شي نص ساعة عاد داه نعاس..
#يتبع....

#لبنات لي قرات مافيها باس تخلي نجيمة باش تحفزنا فكتابة القصة و نفرحو شوية 😍🥰