حب نتيجة خطأ طبي

الجزء مئة و عشرة

حب نتيجة خطأ طبي
#بارت110♡♡

عند منصف لي وصلاتو نمرة من عند رانيا دخلها عندو وصونا عليها مدازش بزاف وجاوباتو...

سارة:الو شكون معايا؟؟
منصف: هادا انا ا سارة منصف
سارة: اه واش كاينة شي خبار على زمرد لقيتوها ولا لا.؟!
منصف: داكشي علاش صونيت ليك
سارة(باستفهام): كفاش واش كاين شي مشكيل...

منصف: شفت كاميرات المراقبة لقيت بلي تخطفات ومعرفتش شكون خطفها وبغيتك تعاونيني...
سارة تصدمات متوقعاتش هادشي بالضبط

سارة: اويلي كفاش تخطفات وشكون خطفها..
منصف: واش زمرد عندها مشاكيل مع شي واحد اولا لا نتي صاحبتها غتكوني عارفة...

سارة: لا زمرد مكان عندها مشكيل مع حتى واحد داخلة سوق راسها مكتأدي حد...

هضرات سارة بجدية: منصف زمرد كتيق فيك رد البال لا يكونو هادوك لي خطفوها عندك معاهم مشاكيل..

قطعات عليه خلاتو حاير وكيفكر واش هضرتها بصح زعما اكونو هادوك لي خطفوها عندهم مشاكيل مع منصف..

فالفيلا عند امجد لي جالس فالجردة وتيليفون فودنيه..

امجد: بغيتكم تقلبو عليها دبااا فهمتووو واخا تككوون تحتت الارض جبدوووها...

بقا كيهضر وهو صاعر ممنتابهش ل معاذ لي واقف فوق راسو..

قطع تيليفون دور عينيه بان ليه معاد واقف مضيق عينيه كيشوف فيه..
امجد: مالك نتا كتشوف فيا؟؟
معاذ: نتا مالك علاش كتقلب عليها ياك منصف مكلف..
امجد خنزر فيه: وشنو فيها الا قلبت حتى انا..
معاذ: من هضرتك باين العكس شوف ا امجد(شاف فيه بجدية) هاديك راه مرات خوك فهمتي مرات خوك خرجها من عقلك حسن ليك راني فاهم شنو واقع من اللول ترجل ودير عقلك..

امجد شاف فيه بكل ثقة: وشكون قاليك داكشي لي ف عقلك هو لي كاين اصلا انا كاينة وحدة خرا فحياتي وكنبغيها بلا ميميشي عقلك بعيد..
معاذ: اووووه امجد كامل ولا كيحب اوا هكا نبغيك كون راجل..

مشا وخلا موراه امجد لي معصب غير بوحدو وزاد كمل عليه هدا تا هوا...

امجد خبط ايديه مع الطابلة لي قدامو حتى تشتتو الوراق لي محطوطين فوق منها...
امجد: ونتا ماالك مالك كدخل راسك فكلشي ديها غير فراسك اصلا انا بغتها قبل من خويا ولكن عادي اصلا لي حطيت عليها العين تمشي ليا وشكون من غيرو يديها سيدهم منصف ديما كتصدق ليه، ولكن هاد المرة ماشي انا لي غنستسلم ومغنتهنا حتى نوصل لداكشي لي بغيت او هانتوما غتشوفو...

#يتيع...