حب نتيجة خطأ طبي

الجزء المئة و التسعون

حب نتيجة خطأ طبي
#بارت190♡♡

حفصة لي بقات كتشوف فبنتها شحال عارفاها غتكون مقلقة هاد الايام كاملة مبقاتش كيفما كانت... تنهدات مطولة وهي تعاود تسد الباب بشويا كتحس بالدار خوات عليها بقات غير هي وبنتها... هبطات لتحت ورجعات كتكمل الفراجة ديالها...

عند رانيا لي كانت فالدار جالسة ديك العشية جاها الملل ومعاذ كيمشي الخدمة قليل فاش كيجي بكري شافت حتى عيات وهي تنوض الكوزينة بقات تقاد شي كيكة... داكشي لي دارت خلطاتها دغيا جمعات الدنيا ونقصات على الفران وتمشات لبيتها طلقات الما فالدوش باش دخل دوش...
وجدات حوايجها والبرودويات لي غادي تحتاج وتخشات تحت الرشاشة..

داز الوقت

رانيا يالاه لبسات حوايجها لي كانو عبارة على بيجامة سروالها خفيف الفوقاني ديالها نص كوم نشفات شعرها رطبات وجهها ويديها ومشات طلات على الفران لقاتها وجدات قاداتها فطبسبل وزوقاتها ودارتها فالتلاجة باش تبرد..

سمعات شي حد كيحل الباب استغربات حيت معاذ أغلبية ديال الوقت مكيجي حتى الليل.. مشات طلات بان ليها معاذ لي داخل..

رانيا:معاذ؟ ممولفاش ليك تجي بكري..

معاذ تقدم عندها باسها فحنكها..: غير اليوم جييت وجيت بكري..
رانيا شدات من عندو المونطو ديالو علقاتو ودخلو بجوج للصالون..

معاذ: رانيا بغيت نهضر معاك!

رانيا: اه كنسمعك..
معاذ قرب حداها وعينيها فعينيه وهضر..
معاذ: دبا كيفما كتعرفي بابا مبقاش ساكن معاهم راك عارفة شنو دار وماما هي وزينب بقاو بوحدهم فالفيلا..

رانيا(قاطعاتو): بغيتي نمشيو نسكنو عندهم؟؟

معاذ: تماما انا الواليدة ديالي هي لي بقات ليا هي وزينب وانا مبغيتش نخليهم بوحدهم تما...

رانيا(بابتسامة): وخا إلى بغيتي نسكنو عندهم معنديش مشكيل اصلا انا كنمل فالدار بوحدي...

معاذ(شاف فيها مطول): كدوي بصح؟؟ اقتانعتي بهاد السرعة معندكش مشكيل.؟

رانيا: شنو المشكيل لي غيكون عندي عادي نمشيو نسكنو عندهم كيما قلتي نتا بوحدك لي بقيتي ليهم من بعد باباك انا مغاديش نحبسك على عائلتك..
معاذ جرها لعندو معنقها ومزير عليها كيحس بواحد راحة بحال إلى كان هاز هم كبير ودبا مبقاش كان خايف رانيا متبغيش اسكنو مع عائلتو ولكن وقع العكس دبا...

معاذ: الله يرضي عليك احبيبة هكا نبغيك..

رانيا(مزال معنقاه): كان كيسحاب ليك بلي مغاديش نوافق ولا شنو..

معاذ: تقريبا بحال هكا قلت بلي مغاديش تبغي...

رانيا: لا بالعكس اصلا ماماك كنعرفها من شحال هدا ضريفة وحتى زينب...

معاذ: صافي وقتما بغيتي وجدي حوايجك باش نمشيو...
بعدها عليه وبقا كيشوف فيها شحال..

رانيا: مالك؟ كتشوف فيا..

معاذ قرب عندها وخطف بوسة من شفايفها..
معاذ: حيت كنبغيك..
رانيا شافت فيه وضحكات حتى بانو سنانها..

#يتبع...