حب نتيجة خطأ طبي

الجزء الثاني و الثلاثون

حب نتيجة خطأ طبي
#بارت32♡♡

لالة فاطمة: زمرد بنتي..

زمرد سمعات صوتها و عرفاتو صوت ماماها لي تقدر تفرزو بين آلاف الاصوات دارت عندها بالعرض البطيء

اما سارة غير واقفة كتشوف..

لالة فاطمة مشات كتجري تلاحت على بنتها عنقاتها و كتبكي

لالة فاطمة: هئ هئ هئ بنتي توحشتك هئ فين كنتي الله يا بنتي خليتي بلاصتك قداش هئ

زمرد تغرغرو عينيها معرفات مدير بقات غير واقفة بدون متبادل فاطمة العناق..

بعدات عليها فاطمة كتشوف فيها وكتحسس الوجه ديالها

فاطمة: بنتي واش بخير فين كنتي؟ وعلاش مجيتيش عندي ؟

زمرد مجاوباتهاش بزز حابسة دموعها.. فاطمة فهمات غير من سكوتها و الطريقة لي تتشوفها بيها بلي واخدة منها موقف

فاطمة: بنتي رجعي للدار!! هئ هئ راني توحشتك الدار خاوية بلا بيك
زمرد خانوها دموعها: مبغيتش نرجع لديك الدار مبقيتش غنحط فيها رجلي
فاطمة: بنتي واش مقلقة مني؟ انا راه مدرت والو
زمرد تضحك بالغدايد و انفاجرات فوجه مها: هههه مدرتي والو؟ (بالغوات) منيتك ا ماما !!! نتي اصلا راه مدرتي والو.. نتي لي هاصك ديري و مدرتي والو..  ا شنو درتي امم ؟؟ محاولتيش تقنعي بابا ميجريش عليا!! محاولتيش توقفي فوجهو ولا تحامي عليا!! نتوما عارفين انا مستحيل ندير شي حاجة بحال هكاك.. نتوما جريتو عليا هئ هئ!!  بابا جرا عليا ولاحني للزنقة مفكرش فيا مفكرش فبنتو هئ هئ هئ هئ كنت غنموت بسبابكم هئ هئ هئ هئ  مفكرش فيا ولاو قد هكا( كتقيس ف طرف صبعها) انا بنتكم !! انا بوحدي لي بنتك!! انا تعرضت للظلم و مستحيل ننسى داك النهار
فاطمة بالدموع: هئ هئ انا مكان فيدي مندير و تشوفي شنو داز عليا منين مكنتيش هئ هئ هئ نتي غير كتهضري معارفة والو هئ هئ
زمرد:(بالغوات و وجهها كولو فازك بالدموع ): معارفااااش او مبغيتش نعرف هئ هئ هئ مفكرتوش فيا لقيت الخير فالبراني و ملقيتوش فلي والديني  هئ هئ ديري فبالك عمري ننسا داك نهار لي جرا عليا فيه هئ هئ(كتهضر و كتمسح عينيها بكف يديها بحال شي بنيتة)
فاطيمة: مديريش هاكا وسمعيني هئئ راه بابك ما...
زمرد قاطعاتها: مبغيتش نعرف مبغيتش نسمع والو.. نتوما مسمعتوش ليا حتى انا مغاديش نسمع ليكم!!!

مشات بالزربة وهي كتبكي و تتشهق.. طول هاد المدة سارة مقدراتش تتدخل و بقات فيها سارة و حتى فاطمة مضناتش زمرد غتقول ديك الهضرة لماماها ولا يكون ردة فهلها هكاك

سارة: صافي ا خالتي راه غير حيت باقية معصبة مديريش فبالك
فاطمة كتبكي و حالتها حالة: هئ هئ عندها الحق هئ هئ گاع داكشي لي قالت عندها فيه الحق!! هئ هئ كون حاولت ندير شي حاجة داك نهار مكانش غيوقع كاع هادشي.. هئ هئ مكنتش غنخسر بنتي ولا كان راجلي يموت انا دابا بقيت بوحدي هئ هئ هئ الله اربي علاش هادشي كيوقع اشمن ذنب درت...

#يتبع

فنضركوم واش زمرد هيا لي غالطة ولا الام ديالها؟ وشنو غيوقع منبعد و كيفاش غتعرف بلي باباها مات..؟؟.🔥🔥