حب نتيجة خطأ طبي

الجزء الخمسون

حب نتيجة خطأ طبي
#بارت50♡♡

نرجعو عند زمرد لي جالسة فالبيت كتفرك فايديها بتوتر باغا تقولها ليه ولكن خافت ميبغيش..

تفكرات لافاك ممشاتش ليه و مبغاتش تزيد تغيب كتر من هكا ولكن كتقول واش غيخليها ولا لا
وخا  زواجهم غير على الورق و لكن عارفة مزيان الواجبات ديالها كزوجة ميمكنش ليها تخرج بلا خبارو على الاقل دير ليه قيمة حيت هو لحد الان عمرو قلل من قيمتها و لا شي حاجة فحال هكا.. هادشي لي كانت تتشوفو مع ماماها و باباها

قالت مع راسها تقولها ليه ولي ليها ليها

هبطات لتحت كدور فعينيها واش يبان ليها حتى كتلمح الخدامة كتسقي فالغرس لي فجردة مشات ناحيتها حتى وصلات لعندها...

زمرد:عافاك واش منصف كاين فدار؟
الخدامة: لا امدام مشا الخدمة.
زمرد: اه صافي شكرا..

مشات جلسات فالكليسة لي فجردة كتستمتع بالجو لي صابح غزال
تفكرات علاش متعيطش لسارة نيت شحال هادا مهضرات معاها.

هزات تيليفونها من القبية لي كانت لابسة صونات عليها شداتها فالبلاصة قبل حتى متهضر بدات سارة كتعرعر

سارة: شنو زعما نتيا عاد مفكراني ولا شنو ولا صافي حيت ست الكل تزوجات نساتنا..
زمرد لي كضحك: بشويا عليك اويلي ههههه.؛ مهيم عيط ليك تجي عندي تونسيني قنط فالدار
سارة: اممم و فين جات هاد دار
زمرد: انا نصيفط ليك العنوان فميساج

قطعات عليها كتسناها تجي...

دازت تقريبا ديك نص ساعة

وها هي سارة حطها طاكسي قدام الفيلا بقات غير كتشوف فيها تصميمها من برا لي غزال باينة ناس عندهم الفلوس..

يالاه مع دورة لي غضور باش دخل وهي تضرب مع شي حد حتى شعرها كامل طاح على وجهها...

امجد لي كان جاي اليوم من السفر ومقالها لحد؛جار فاليزتو و وجهو خاشيه فالتيليفون حتى كيحس بشي حد دخل فيه طلع عينيه بغيت نقول هبطهم زعما حتى كتبان ليه واحد نص ميترو🙂

سارة كتقاد شعرها بعصبية: واش نتا مكتشوفش قدامك؟
امجد مخنزر: نتي لي دخلتي فيا انسة.
سارة: راه نتا لي خاشي وجهك فداك القرقاش

امجد لي مكان فيه لي يتشاد معاها خصوصا جاتو بنت.

تحنا لعندها باغي استافزها: اممم كي بغيتيني نشوفك ونتي فيك شبر و نص ضربها لنيفها و زاد مخليها كتقلا فسمها..  سارة تعصبات و تفقصات بقات كتحلف فيه و تقاد فشعرها لي تخبل لدرجة مشافتوش منين دخل لنفس الفيلا لي جاية ليها

سارة: وخا والله لبقات فيك...
#يتبع....