حب نتيجة خطأ طبي

الجزء السادس و السبعون

حب نتيجة خطأ طبي
#بارت76♡♡

سالات وقفات حاطة يديها على جنابها كدير نضرة أخيرة على داكشي لي قادات..
دارت بان ليها باقي فالبالكون واقف عاطيها بالضهر بقات كتشوفيه فضهرو العريض والتيشورت لي لابس لاصق عليه مبين تقاسيم جسمو وشعرو الرطب لي كيداعبو نسيم الهواء بقات سارحة بتفكيرها حتى وعات على راسها... قادات شعرها ونزلات التحت لقات الخادمات عاد كيحطو العشاء فوق الطاولة..

مشات الصالون لقات غير رانيا لي جالسة حاطة يد على خدها تتفكر حتى قفزاتها زمرد لي عيطات ليها..

زمرد:رانيا فين سهيتي...
رانيا:لا نعام زعما.. عيطتي ليا.
زمرد:بشويا عليك..اشنو قالت ليك ماماك..
رانيا:والو راك عارفا غير سمعاتني الهضرة وصافي...
زمرد:اه يالاه نتعشاو راه هبطو..

تمشاو جلسو كيتعشاو من غير منصف لي قاليهم مفيهش لي يتعشا...
سالاو عشاهم وناضو كل واحد لغرفتو انعس...

أصبحنا وأصبح الملك لله ⏲🌝

عند زمرد لي فاقت كتجبد فبلاصتها دورات عينيها مبانش ليها..

ناضت لبسات بانطوفتها وتاجهات ل الحمام.. يالاه حطات يديها على البواني وهو يتحل الباب طلعات عينيها بان ليها منصف لي خارج من الدوش لاوي فوطة على نصو التحتاني وجسمو عريان وكينشف شعرو ب فوطة..

زمرد شافتو هكك عريان وعضلاتو السداسية باينين فيهم نقيطات ديال الما بقات ساهية فيهم...

منصف:سدي فمك راه الموت كدور..
زمرد(تزنكااات بالحشمة):احم سممح ليا..
منصف شاف فيها باستغراب:علاياش غنسمح ليك؟؟ امم..
زمرد:امم معرفتش..
منصف:متبقايش طلبي السماحة ونتي مدايرة والو اكي
زمرد حركات راسها ب ايحاب ودخلات سدات عليها فالحمام كطلع النفس وتهبطها من هاد الموقف لي تحطات فيه..

تمشات حيدات حوايجها حتى بان جسمها لي كيشقشق بالبيوضة
تخشات تحت الرشاشة مغمضة عينيها كتحاول تستاراح و ترخي عضامها...
سالات الدوش ديالها تشللات وخرجات هزات فوطة كتقلب على حوايجها حتى تفكرات بلي مجابتهمش...
زمرد: اويييييلي حوايجي نسيتهم اشنو غنلبس دبا...افففف ازمرد واش نتي مكلخة...
حطات ودنيها على الباب كتسمع التخرشيش فالبيت دليل على انه منصف باقي تما...
زمرد:اففف يا ربي اش غندير دبا.. هبطات عينيها كتشوف جسمها لي مغطياه غير فوطة قصيرة...
زمرد:اففف ميمكنش ليا نخرج بحال هكا...مالو حتى هو مهبطش التحت.

#يتبع...