حب نتيجة خطأ طبي

الجزء الثالث

صافي بقاو البنات كيديو ويجيبو فالهضرة حتى وصلات العشية ومشات سارة لدارهوم ( سارة هي الصديقة المقربة ل زمرد بحال ختها كتعاود ليها اي حاجة وقعات ليها وكيقراو فنفس المدرسة وقدها نيت فالعمر 22 عام)

تعاشات العشية زمرد لي بقات غير فالدار جالسة هازة تيليفونها وماماها لي خارجة تقدي شي غرض

وصل الليل تعشاو كل واحد مشا ينعس فبيتو

أصبحنا وأصبح الملك 🌼☉

بطلتنا لي فاقت بدلات عليها لبسات حوايجها وهزات صاكها تمات خارجة تلقات سارة حتى هي عاد خارجة بقاو غاديين كيهضرو وعاطينها لضحك( زمرد من طبعها ضحوكية وضريفة مع كلشي وفنفس الوقت دايرا الحدود مع ناس)

وصلو ل لافاك دخلو قراو الحصص لي عندهوم ....

داز الوقت

زمرد رجعات لقات ماماها تتسناها و باها جاب التحاليل من المختبر التحاليل..

خرجو شدو طاكسي نيشان لعند طبيب وصلو دخلو

الطبيب: جيتو على قبل تحاليل ديال بنتكوم
سي براهيم: اه ادكتور هاهما

مدهم ليه

الطبيب: اه ! مزيان،

بقات ساكت مدة كيشوف فالتحاليل لي ف ايديه.. 

طبيب: من خلال التحاليل قدرنا نعرفو بلي بنتكم مريضة بواحد المرض لي كيتسما(الزهري)
فاطمة بخوف: شناهوا هاد المرض واش شي حاجة صعيبة؟؟
طبيبة: مرض الزهري(syphilis ) هاد المرض كينتاشر من شخص ل آخر عن طريق الاتصال الجنسي ، ويقدر انتشار بسهولة عن طريق الجنس الشرجي أولا الفموي او المهبلي مع شخص مصاب

هنا سي براهيم  لي تصدم صدمة العمر عينيه لي ولاو حمريين  عمرو توقع هادشي من بنتو آخر حاجة توقعها هيا بنتو الوحيدة تكون تدير علاقات غير شرعية.. قلبو تزير و العرق بدا تيتصبب فالجبين ديالو

اما فاطيمة رجليها فشلو عليها وجها لي ولا صفر متقبلاتش هاد الفكرة او رافضة تيق بلي فعلا هاد لبت لي تيهضر عليها راها بنتها.. بنتها الوحيدة لي عطاتها الحنان و رباتها على الاخلاق الحميدة ها هي دابا مريضة بالزهري هاد المرض لي دليل على خيانة بنتها لثقتها.. عقلها استوعب هادشي لكن قلبها رافض يثيق

زمرد لي هبطات عليها الهضرة ديال طبيب بحال الصاعقة بقات كتقول مع راسها كفاش وقع هادشي مستحييل ميمكنش الا كان فعلا هاد المرض تينتاقل عبر العلاقة الجنسية فمستحيل تكون هي.. حيت عمرها كانت فعلاقة مع شي حد هي حشومية و حدودية عندها فقط سارة لي صاحبتها و حتى الخروج تتخرج غير مع مها ولا سارة فكيفاش و قتاش غادي تعرف على شي حد او دير علاقة مع شي حد..