حب نتيجة خطأ طبي

الجزء الثالث و الستون

حب نتيجة خطأ طبي
#بارت63♡♡

حتى كيتسمع صوت تيليفون رانيا لي جاوها شي مساجات كتسمعو...ترن..ترن...ترن... دليل على انه وصلوها بزاف ديال الميساجات..

هزات رانيا تيليفون دخلات تشوف اشنو وصلها حتى كتصدم وجهها ولا صفر وعينيها مبقاتش كترمش بيهم..
هادشي كامل داز تحت انضار معاذ لي غير متبعها كيشوف فوجهها كي كان وكيفاش ولا

معاذ:رانيا!!

رانيا لي يالاه فاقت من الصدمة وباقي يديها كيترعدو..
رانيا:ااا اشنو احم زعما عيطتي ليا
معاذ(عقد حجبانو):وي مالك وجهك ولا صفر واش واقعا شي حاجة؟
رانيا:لا لا موقع والو هه...
معاذ شاك بلي كتكدب عليه...بل متأكد حيت شاف حالتها تبدلات...

رانيا ناضت من حداه مشات الحمام مخليا معاذ غير كيتساءل هاد المخلوقة مالها تبدلات دغيا...
بغا انسى الموضوع قال مع راسو امكن شي حاجة كتخصها...حتى كيبان ليه تيليفونها لي حطاتو فوق الفوطوي
يالاه مد يديه يهزو حتى كيحيدها عوتاني

"معاذ اش كدير تيليفون البنت ممنحقكش تقلبو.."
عاود هزو وبقا كيفكر واش احلو ولا لا فالأخير قال ماشي مشكيل نشوف..

حلو لقاه بلا كود دخل نيشان لواتساب لقا واحد النمرة ممأجوطياش عندها،ورك عليها حتى كيبانو ليه تصاور رانيا والياس
واحد التصويرة معانقين فيها وحدة خرا كيتباوسو وحدا يضحكو فيها.... تصويرة تنسيك ف لاخرا
هنا معاذ تخلطات ليه الصدمة مع الاعصاب لي ركبوه ب مجرد مقرا الميساجات لي واضحين وضوح الشمس بلي إلياس كيبتز رانيا وكيطلب منها الفلوس..

هنا معاذ مقدرش ابقا غير كيشوف قال ضروري يعاونها باي طريقة فالأخير هادي كتبقا رانيا...خاص يعاونها..

كتب ليه ميساج فيه

"نتلاقاو فهاد البلاصة.......مع 20:31....
فالبلاصة إلياس جاوبو ب "واخا"

مسح معاذ الميساج ورجع تيليفون فبلاصتو وناض بحالو يقدي شغلو...

عند زمر لي شادينها فاطمة ولالة الياقوت اخططو ويفصلو شنو غيديرو فالعرس وفين غيديروه واللباسي الخ....
#يتبع...

#خليو ليا تعاليقكم على القصة و متنساوش النجيمات ⭐️ لي تيفرحوني🥰🥰