حب نتيجة خطأ طبي

الجزء المئة و السابع و التسعون

حب نتيجة خطأ طبي
#بارت197♡♡

امجد: بفف على حالة غير حوايجك كي ولاو بالسيف متمرضي!

وصلو الفوق حل البيت وجلسها فوق ناموسية...

امجد: واش قادرة دوشي؟!

سارة: بب بلااش..

امجد: ضروري دوشي باش تهبط ليك الحرارة دخلي راهو دوش خوي عليك غير الما يالاه...

ناضت سارة بزز واخا مقاداش ولكن معندها مدير دخلات للدوش سلتات حوايجها شعلات الرشاشة وجليات تحت منها جامعة رجليها وخاشية راسها بيناتهم كتحس بالما السخون كيهبط عليها.. عاد شويا بدات كتحس بعضامها.. اما قبيلة جمدو عليها بقاات مدة بحال هكاك حتى حسات بعينيها بداو كيتحلو شويا..

اما امجد حل البلاكار ديالو كيقلب ليها على شي حاجة متلبس..
جبد ليها واحد القبية عندو تما كبير مع سروال وشي تقاشر باش تدفا.. ومشا دق عليها فالحمام واش سالات ولا لا..

امجد: سارة ساليتي ولا باقي.. خرجي
سارة شللات شعرها وطفات الما كتقلب على فوطة ملقاتهاش ومشات حدا الباب باش تقوليه يعطيها ليها..

سارة: عع عافااك وخاا تت تعطيني فوطة..

امجد سمعها هز الفوطة حل الباب بشويا مدها ليها ومشا جلس مسرح فوق الفوطوي مغمض عينيه هاد الليلة مبغاتش تسالي وشحال طويلة.. سمع حس الباب تحل وهو يحل عينيه كانت سارة لي خارجة لاوية عليها فوطة معرف باش تبلا.. اما سارة لي اصلا السخانة لاعبة عليها مبقات عارفة اش كدير بغات غير تنعس نسات راسها مشات للناموسية ونعسات فوق منها هكاك غير بالفوطة بلا متلبس..

امجد ناض عندها ساخط: ساارة(كيحرك فيها) سارة فيقي تلبسي حوايجك بعدا وساارة..

فيناهي سارة نعسات حاجة وحدة لي كتقول هي (اممم)..
امجد تعصب منين تسلط عليه هادشي.. يخليها تنعس بفوطة عاد مغيزيد عليها الحال..

امجد: شنو زعما نلبسها انا حوايجها..! لا اش كنقول انا اشمن نلبسها حوايجها... اففففف

ملقا ميدير مضطر يلبسهم ليها قرب جيهة الحوايج هزهم وقرب عندها تردد فاللول ولكن بزز دور وجهو لديك جيهة(مسكين كيحشم🙂) وحل الفوطة اما سارة مكيناش فهاد العالم..

هز القبية وبدا كيلبسها ليها ويديه كيقيسو فلحمها دخل ليها العنق وهز يديها كيدخلها ليها واليد تانية وهبط القبة لي جاتها واسعة هابطة حتى التحت وهبط معاها حتى الفوطة عاد تنهد...

بقا كيشوف فسروال شحال..
امجد: اش غندير انا دبا مع هدا افف
دخل السروال فرجليها بجوج ودور راسو لديك جيهة حتى طلعو الفوق...
مسالا حتى حس بالصهدة طلعات معاه هز دوك تقاشر لبسهم ليها فرجليها لي كانو بحال التلج ويديها حتى هما لي باردين..

هبط الكوزينة لتحت حل التلاجة لقا واحد الطنجرة فيها شويا تاع لاصوب كانت شاطت ليه سخنها فوق الفوطة وحطها فزلافة مع معلقة او واحد الدوا تاع سخانة جاب ليه راسو بحال الى خدام فرملي ولكن معندو ميدير هو جابها لهنا وبسبابو مرضات خاصو يرد ليها البال حتى تبرا...

طلع الفوق حط داكشي فوق الطابلة ومشا يفيقها.. واش تفيق ليه ولا لا.. بقا مضارب معاها شحال مبغاتش تفيق ولكن ضروري تاكل وتشرب دوا هز واحد القرعة تاع الما كانت حداه رشها على وجهها فاقت قافزة بالهلا يطريه ليها...

امجد: اوا نتي لي قلبتي عليها...

سارة(مخلوعة) اش كاين علاش خويتي عليا الما ازمر واش حماقيتي ولا شنو

امجد: لا لا تبارك الله غير من هضرتك باين عليك بريتي.. هاكي شدي كولي هادي باش تشربي دوا...

سارة: خليتيني حتى مرضت ودبا عاد باغي ترد ليا البال رجعني غير فحالاتي نمشي...

امجد: كندير هادشي حيت مرضتي بسبابي وكون ماشي الطيران لي فيك لي دارها ليك كون رجعتك شحال هدا...

#يتبع...