حب نتيجة خطأ طبي

الجزء الثلاثون

حب نتيجة خطأ طبي
#بارت30♡♡

عند سارة

لي مشات نيشان لعند فاطمة تعطيها آخر الأخبار بغات تفرحها حيت هي لي حضرات لكاع الاحزان ديالها.. وصلات للحانوت لي فاطمة قررات تقابلو دخلات لقاتها كتحاسب مع الكليان خلاتها حتى سالات وهضرات

سارة: سلام خالتي كيف دايرا لباس عليك؟
فاطمة بابتسامة باهتة: لاباس ابنيتي و نتي؟
سارة: بخير بيخير ا خالتي.. سمعيني اش غنقول ليك
فاطمة بقلق: خير ابنتي خير؟
سارة بفرحة: اليوم شفت زمرد

فاطمة غير سمعات هضرتها عينيها توسعو و تغرغرو بدموع الفرح

فاطمة: ووواش بصح شفتيها يعني مكتكدبيش عليا ياك  حلفي
سارة: والله ا خالتي حتى شفتها
فاطمة: فين و كيفاش يعني فين تلاقيتيها، هههه..  يعني بنتي باقي عايشة هئ باقة عايشة
سارة شدات ليها فيديها: اه! ا خالتي الحمد الله رجعات لينا
فاطمة متلبكة و متوثرة: عاودي ليا فين شفتيها؟ واش هضرتي معاها؟ و فين كانت هاد الوقت كامل؟ واش واكلة شاربة؟ فين كتبات؟
سارة كضحك: هههه ! بشوية عليك ا خالتي انا غنعاود ليك كلشي

سارة عاودات ليها كلشي من اللول حتى الآخر و بلي كانت حاولات تنتاحر و شي حد عتقها و سكنها فدارو.... الخ

سارة: صافي هادشي لي كاين
فاطيمة بدات تتبكي: الله على بنيتي هئ هئ.. كون وقعات ليها شي حاجة و ترزيت فيها
سارة تتواسيها: صافي ا خالتي يهديك الله دبا غتفرحي هاهي بيخير
فاطمة: اه! ابنتي! اوووووف

فاطمة تنهدات بالجهد بحال الا شي حمل كانت هازاه فقلبها ودابا مبقاش

سارة: نخليك خليت ماما كتسناني تعطلت عليها

ناضت مشات لدارهم غير على رجليها حيت قريبة مخلية موراها فاطمة فرحانة حيت لقات اخيرا خبار بنتها...

عند زمرد

وصلات للشقة حلات الدار لقات كنزة كتحط الغذا فوق الطابلة

زمرد: سلام
كنزة: على السلامة ابنتي كي داز نهارك؟
زمرد سلمات عليها: داز زوين! و شفت صاحبتي لي شحال هادي مشفتها
كنزة بابتسامة: اه مزيان ابنتي سيري بدلي حوايجك و غسلي يديك نتغذاو

داكشي لي كان تغذاو فجو زوين خالقين السعادة غير بجوج بيهم

كنزة: فكرتيني! منصف عيط ليا على قبل الجبس خاص تمشي تحيديه
زمرد شافت فيديه و تفكرات شنو وقع غرغرو عينيها.. كنزة عاقت بيها و شدات ليها يديها

كنزة: دابا يفوت كلشي أ بنتي خاص غي شوية ديال الصبر و صافي..
زمرد بتاسمات ليها: شكرا ليك حيت ديما معايا

فالعشية

كانو جالسين فالجردة كيتحدثو

سيلفيا هازة طابليت كتوريهم: طاتي! واش نلبس هاد لكسوة ولا لا
لالة الياقوت: انا بانت ليا لاخرا حسن
رانيا: اه متافقة معاك ا ماما لاخرا زوينة
سيلفيا: صافي دوقكم زوين

شوية بان ليهم منصف داخل بالطنوبيل للحديقة ديال الفيلا.. هبط بكل كاريزما و هيبة لابس كوستيم كحل و شوميز فالكحل حال الصدايف اللولين من جيهة الصدر و نضارات كحلين على عينيه ؛ ساعة آخر مكاين كتوسط يديه...

#يتبع...