حب نتيجة خطأ طبي

الجزء المئة و واحد و الثلاثون

حب نتيجة خطأ طبي
#بارت131♡♡

دار فحالو يمشي يرجع عند زمرد اما يزيد البوليس غيتكلفو بيه...

باقي يالاه ضرب خطاوي قلال حتى سمع يزيد عيط ليه بصوت تقيل... دار عندو بالعرض البطيء لقاه واقف كيتمايل و السلاح فإيديه موجه ناحية منصف...
منصف لي كرز على سنانو ونطق" واش نت مكتقاداااش"..

منصف(بصوت نوعا ما مرتفع): ههه اش غدير واش غتقتلني ولا شنو(طلعو وهبطو) شوف غير حالتك مقادر حتى توقف على رجليك...
يزيد بثقة: اه غنقتلك وغنبقا نشوف فيك وهنا كتموت قدام عيني هههه عنداك ابقا فيك الحال مراتك الغزالة غتبقا أمانة عندي...

منصف غمض عينيه وعاود حلهم تعصب ديال بصح.. مشا تقدم عندو ويزيد هز سلاح حتى الفوق موجهو للسما وضرب بقرطاسة فالهوا...

يزيد بحقد: تنصحك متزيدش تقرب كنقسم ليك حتى نخوي هاد السلاح فراسك.. أصلا مبقى عندي منخسر
منصف بهدوء: يلاه ضرب!!
يزيد بعصبية تيترعد: غادي نمحيك من الدنيا
منصف تيشوف فيه ببرود: واش نتا مريض؟
يزيد: اه مريض ودبا غنوريك المراض علاياش قادين...

حط صبعو على زناد ديال السلاح قادو جا نيشان فجيهة قلب منصف...

يزيد بابتسامة حقودة: تحاول دير ها ولا ها منضمنش ليك...
منصف(ضحك بجنب): متقدر دير حتى حاجة... شوف غير راسك
يزيد بعصبية: غندير وندير كتر...

بقا واقف فبلاصتو كيتسناه شنو غيدير حتى تسمع صوت الرصاص جوج مرات متتابعين قرطاسة مورا ختها.. هاد الصوت لي بقا كيتردد فأرجاء المكان... و من بعدو هدوء تام..

منصف لي طاح الأرض شاد فالجرحة وهو كينين بألم... اما سيلفيا كانت واقفة اللور شادا سلاح فإيديها باتجاه فين يزيد كان واقف.. و لكن عينيها لتحت  بالضبط فين يزيد طايح..

سيلفيا بكثرت الصدمة من شنو وقع خلات المسدس يفلت من يديها حتى طاح للأرض.. نفسها لي غارقة بدم يزيد...

كانو جوج قرطاسات وحدة خرجات من المسدس ديال زياد و ختارقات جيد منصف و الثانية من مسدس سيلفيا و ختارقات جسد يزيد..

سيلفيا ملي شافت منصف غيموت و يزيد موجه سلاحو لمنصف ناوي يقتلو.. خافت بزااف عاد عرفات بالخطأ لي دارت قلبها تعصر مقدراتش تستحمل فكرة موت منصف.. هو حبها الأول و أب ولدها او بنتها حيت فاش كانت مع منصف حملات و طاح ليها الجنين مقدراتش تيتحمل و لامت منصف على شنو وقع و تفارقات معاه.. سيلفيا عينيها دازو شلال بالدموع و يديها تيترعدو وفقط جملة وحدة كتنطق بين سنانها هي"انا غير دافعت عليه وصافي"...

فنفس الوقيتة جاو البوليس لي شهدو على الجريمة لي وقعات تم... و بقاو مصدومين حيت كانو معولين يشدوه و يعرفو جميع اعضاء المافيا من عندو.. واحد منهم تاجه عند يزيد قاس ليه النبض ديالو لقاه متوقف..

يعني مات!!

اما منصف باقي شاد فكتفو حيت الرصاصة جاتوالكتف...

مشاو عيطو على لومبيلونص باش يجيو يديوهم... اما سيلفيا لي دارو ليها مينوط معافرين معاها وهي كتغوت ليهم تم..

سيلفيا بندم: منننصف هئىئ هئئى انا غير دافعت عليك.. ا منصف هئئىى قول ليهم ميديونيش هىىئئ عافاااك كنطلبك تسمح ليا هئىئ هئئىى سمحو ليا على أي حاجة درتها طلب سماحة من زمرد و خالتي نيابة عليا هىئئىى هئىئ سمحوليااا...

بقات كتنطق بنفس الجملة حتى دخلوها للسيارة الشرطة..

عند منصف

لي غير كيشوف فيها وعينيه جغمة ديال الدم كتفو لي كينزف وعاطيه الحريق و صابر... كيشوف فسيلفيا كفاش جارينها عمرو تخايل اشوفها فهاد المنضر... معزيزاش عليه ولكن ردة الفعل ديالها اليوم بررات ليه بزاف ديال الحوايج، حيت كون ماهي لي ضربات يزيد كان غيموت هو فبلاصتو...

جات سيارة الإسعاف هبطو باياص دارو يزيد فوق منو وغطاوه بواحد ليزار بيض كامل دليل على انه صافي مات!

اما منصف لي عاونوه حتى ناض ودخلوه لسيارة الإسعاف...

منصف(بصوت تقيل مدعدع غالب عليه الألم): زز زمرد رراه كاينة فطموبيل.. متخليوهاش ديوها حتى هي...
هضر واحد المسعف: واخا اسيدي غنديوها حتى هي...واش هي لي فالطموبيل الكحلة..

منصف حرك ليه راسو باه.. ومشاو منطالقين حتى وقفو قدام سيارة منصف نزلو وهزو زمرد حتى هي وخا ملقاوش ليها بلاصة ولكن ميمكنش ليهم اخليوها تما...

#يتيع...