حب نتيجة خطأ طبي

الجزء الرابع و الخمسين

حب نتيجة خطأ طبي
#بارت54 ♡♡

نعسات بعد تعب كبيير ومخلية ماماها كتشوا عليها مقدارتش تشوف بنتها فديك الحالة...

خرجو كاملين من الغرفة مخلينها ترتاح اما امجد لي مسخاش يخرج خرج غير بزز.. هبطو التحت الكافتريا كل من الياقوت و امجد وسي محمد.. اما سارة لي دات فاطمة ل الدار ترتاح ومنصف بقا فالغرفة عند زمرد

جلسو من بعدما خداو تلاتة دالكيسان ديال القهوة..

امجد: الواليدة شكون ديك البنت شفتها ديجا عندنا فالدار....

لالة الياقوت شافت فيه ديك الشوفة ديال منيتك: وعلاش معرفتيهاش شكون!
امجد: لا الواليدة كون عرفت منسولكش
لالة الياقوت: مرات خوك هاديك اولدي مرات منصف

امجد لي هبط عليه الخبر بحال الصدمة متوقعش هادشي بالضبط البنت لي باغي صدقات مرات خوه

امجد : شنووووو واش منصف.
لالة الياقوت:اه مالك؟
امجد: ولكن كفاش مراتو؟ وامتى تزوجو بعدا؟ واش منيتك هاد الهضرة؟
لالة الياقوت : اييه مراتو هاديك تزوجو غير مؤخرا

امجد ناض من الطبلة كاعي

امجد(بالغوات وصوتو كيزعزع): وملقا بيمن يتزوج

مشى دافع الكرسي موراه مخلي واليديه لي مفهمو تا لعبة وعلاش دار هاد ردة الفعل كاملة

لالة الياقوت: اويلي هادا مالو معصب غير بوحدو
محمد: معرفتش خليه دبا يتهدن...

نمشيو لبلاصة خرا...

حدا لافاك كانت رانية خارجا هازا صاكها كتمشى حتى خرجات للطريق وهي تحس براسها مجرورة من ايديها بعنف
مجات فين تغوت حتى سد ليها فمها بايديها

إلياس: ششش! سكتينا

رانيا لي كترعد معرفاتو منين تسلط عليها' كتحاول تنطر منو والو حاكمها

إلياس: غنحيد ايدي ولاكن ديري الحس نندمك

رانيا حركات راسها باه و هي خايفة

رانيا: شش شنو بغيتي عندي نتا لاش جاي تابعني
إلياس: اوووه حبيبتي تحل ليها اللسان ياك مبغيتي نفكرك فياماتك امم
رانيا: عطيني بالتيساع اش بغيتي عندي
إلياس: الفلوس،غتوجدي ليا الفلوس ولا تصاوك لي عندي غننشرهم فمواقع التواصل والخبار توصل لخوتك امم
رانيا: اش كتخربق عليا هنا إينا تصاور بعد مني حسن ليك واقيلا توحشتي العصا!

إلياس: واخا نوريك اشمن تصاور علاش لا
جبد اليتيلفون من جيبو حلو ودخل بلاصة تصاور كيقلب على تصاورهم

حتى لقاهم تصاورهم بجوج و هما معانقين مرة كيتباوسو مرة مقرب منها كل تصوير يا تصويرة
رانيا لي ركباتها الخلعة و الندامة ندمات على نهار لي تعرفات فيه عليه، معرفات باقي اش غدير هاد التصاور الى مشاو حتى وصلو لعائلتها مشات فيها...

#يتبع...