حب نتيجة خطأ طبي

الجزء التاسع و الاربعون

حب نتيجة خطأ طبي
#بارت49♡♡

أصبحنا وأصبح الملك لله

نمشيو لبلاصة خرا...

الحانوت عند فاطمة لي جالسة شادا جريدة بين يديها كتصفحها حتى جات عينيها على واحد الخبر كان مكتوب تما لي مع قراتو تصدمات متوقعاتوش ابدا
شافت منصف لي شاد فايد زمرد و الخبر لي مكتوب بالخط العريض

"الفائز بلقب رجل اعمال السنة منصف عمراني يشارك فرحته مع المدعويين و ينشر خبر زواجه"
هاد الخبر بالضبط كان كافي باش دموعها ارسمو طريقهوم على خدودها

كتبكي حيت بنتها تزوجات وهيا آخر من يعلم كتبكي حيت تمنات تشوف بنتها عروسة فنهارها بالكسوة البيضة كانت باغا تخرجها عروسة معززة مكرمة من دارهوم بنت وحدة لي عندها بغات دير ليها احسن عرس بحال كاع الأمهات بغات تعيش معاها الفرحة ديالها بغات تعطيها نصائح على الزواج والعلاقة وتكون مسانداها
قالت مع راسها واش هيا لهاد درجة بعيدة على بنتها باش تسيق خبار زواجها من الصحف واش؟ واش لهاد الدرجة حقدات عليها مقدات حتى تصوني وتعلمها بلي تزوجات؟

حطات الجريدة ب زعفة وشدات راسها بيديها كتبكي وتشهق وتحسر على حياتها لي ولات ضلمة فعينيها

سارة لي كانت جايا عندها تقدا شي حاجة حتى كتشوفها كتبكي معرفاتش مالها مشات عندها بالزربة تحنات هزات ليها راسها...

سارة: خالتي مالك واش عندك شي مشكيل؟؟
فاطمة: هئئ هئئئىهننن زمرد هى اى
سارة تخلعات: خالتي مال زمرد واش وقعات ليها شي حاجة ؟!
فاطمة: تزوجات هئئئ انا هئ سايقة الخبار من الصحف علاش انا ماشي ماماها هئئئ هئ

سارة لي عضات لسانها حيت نسات مقالتها ليها..
سارة: اه اممم صراحة فخباري احمم
فاطمة:كفاش فخبارك هئ واش انا آخر واحد اسيق الخبار مبقات عندي قيمة هئىئئئى
سارة: والله اخالتي حتى نسيت مقلتها ليك سمحي ليا اصلا داكشي انا براسي مفهمتو
فاطمة: كفاش شنو لي مفهمتيش؟؟
سارة: لاا احمم كي شتي دبا حنا كنا معروضين لواحد الحفل ياك............ صافي هادشي لي كاين

عاودات ليها كلشي منين كانو معروضين حتى ل فاش علن على زواج ديالهوم وبلي كلشي بالزربة..

فاطمة: كفاش زعما هوا غير جا وتزوجها ولا شنو؟
سارة: اه تماما انا غنهضر مع زمرد تشرح ليا كلشي من اللول ومتخافيش كلشي غيتصلح ويتقاد وترجع علاقتكوم بحال قبل وغنقول ليها حتى على موت بابها حيت انا متأكدة بلي الا عرفات غتنسا كلسي هيا ماشي حاقدة عليكوم هيا غير واخدا موقف منكوم اوصافي
فاطمة مسحات دموعها هاد الهضرة طمناتها: واخا ابنتي نشاء الله هادشي لي قلتي اكون صحيح.
سارة اه اخالتي نشاء الله...

#يتبع...