حب نتيجة خطأ طبي

الجزء التاسع و الستون

حب نتيجة خطأ طبي
#بارت69♡♡

معاذ ضحكاتو كفاش كتهضر فاللول فرحانة منبعد شوية شكات فيه دبا اسحاب ليها بلي قتلو...

معاذ:اه قتلتو
رانيا(تيقاتو مخرجة عينيها): هيييييي واش بصح اويلي واش قتلتيه....علاش قتلتيه
معاذ:بقا فيك ولا شنو...؟
رانيا(كتغبن):دبا نتا وليتي مجرم بسبابي
معاذ:هههه تهدني تهدني مالك نية مالي انا حمق نقتل روح.

رانيا علات فيه عينيها كتشوف فيه ديك الشوفة ديال واش بصح..

رانيا:وشنو درتي ليه..
معاذ بجدية: مشا الحبس..

رانيا عينيها وساعو بالفرحة فرحات حيت اخيرا غتقدر تهنا منو مدة و حتى الا خرج متأكدة غيعطيها التيساع...

رانيا بخوف: و التصاور؟
معاذ بحنان: متخافيش نساي كلشي

و بحركة عفوية منها تلاحت عليه معنقاه و ابسامتها مرسومة عريضة مزينة شفايفها.. معاذ لي متوقعش هاذ ردة الفعل منها ولكن فرح و بادلها العناق حتى هو..

رانيا طايرة بالفرحة حيت تفكات من الياس:شكرا!!! شكرا ليك بزااااف معرفتش كفاش غنرد ليك هاد الخير لي درتي فيا والله..
معاذ:عادي درت غير داكشي لي خاصني ندير ..

رانيا عاد وعات على راسها اشنو دارت،بلي معنقة معاذ لي مكانتش حتى كتقلب ليه.. بعدات عليه و هي كترجع شعرها اللور بحشمة و عينيها كدورهم هنا و هنا متجنبة تشوف فيه...

رانيا:ااا احم س سمح ليا مقصدتش...

معاذ تقاد فالجلسة ديالو..

معاذ:علاياش غنسمح ليك امم.
رانيا:حيت حيت عنقتك

هز يديه حطها تحت دقنها مطلع ليها راسها حتى جات عينيها فعينيه...
معاذ(مركز الشوفة فعينيها):و شنو فيها الا عنقتيني اممم

رانيا غرقات فحوايجها من الشوفات لي كيدر فيها بقات غير منزلة عينيها و تعض فشفايفها حتى طيباتهم ولاو حميمرين...

هاد الحركات كاملين دازو تحت انضار معاذ لي غير مركز معاها اشنو كدير... مترددش ولو للحضة باش اقرب منها ويحط شفايفو على شفايفها...ويدخل معاها فقبلة هادئة كيعبر فيها على الأحاسيس ديالو...قبلة كتحمل بزاااف ديال الحب كانت هادي اول مرة يزعم و يقرب منها كانت بالنسبة ليه احسن لحضة غيعيشها هي هادي..

اما رانيا لي من الصدمة توقفات على الحركة و عينيها خارجين بقوة الصدمة مقدراتش تجاوب معاه و مقدراتش تبعد فنفس الوقت..

#يتبع...