حب نتيجة خطأ طبي

الجزء الخامس و الاربعون

حب نتيجة خطأ طبي
#بارت45♡♡

دخلو البنات لواحد المحل خاص بالكساوي غير الاشكال والانواع العري والمغطي...

رانيا كدور فعينيها حتى جات عينيها على واحد الكسوة فاللون الازرق ملكي كتجي كمايم وهابطة لتحت الركبة
رانيا: زمرد شوفي قيسي هاديك غتجيك واعرة متأكدة
زمرد: امم واخا
هزاتها زمرد دخلات ل الغرفة فين كيبدلو باش تلبس، اما رانيا بقات برا كتهز فالحوايج نص ليها ونص ل زمرد
سالات زمرد خرجات عند رانيا جاتها ديك الكسوة عبااار بحال الا مخيطة عليها
راينا: وااو جاتك زوينة
زمرد: واش بصح!!؟
رانيا: والله ؛ هانتي تسناي هنا دبا نجي

مشات رانيا كتجري هزات ليها واحد صنيديلة بلا فالبيض اوصاك فالبيض
رانيا: اوا هانتي على زين جاتك واعرة كتحمق
زمرد: ناخدها؟
رانيا: وباقي كتسولي بطبيعة الحال

داكشي لي كان بدلات زمرد حوايجها او خرجو مشات رانيا كتقدا ل راسها او لزمرد مخلاو مشراو ها الحوايج ، الكساوي، الميكاب، الصيكان الروايح الخ....
خصوصا زمرد لي خدات كاع لي غتحتاج خيت معندهاش حوايج خلاتهوم ف دارهوم ؛ بقاو البنات كيدورو حتى طابو رجليهوم ومشاو كلسو فواحد الكافي تما نيت فالمول جات ف لاطيراس ومهوية
شافو البنات شنو بغاو منهنا نيت كان فيهوم جوع حيت متغداوش

سالاو خلصو اوناضو التحت لقاو الشيفور ركبو رجعو نيشان ل الفيلا...
كانت 4 ديال العشية...
تلاقاو لالة الياقوت يالاه خارجا من الكوزينة لي من الصباح وهيا كتوصي فالخدم باش اديرو كلشي على حقو اوطريقو كتبغي كلشي متول ومقاد..

شافتهوم داخلين محملين ب عرام ديال لي صاشي و الشيفور تابعهوم من اللور هاز حتى هوا
لالة الياقوت: فين تعطلتو من الصباح ونتوما خارجين؟
رانيا: راه اماما كنا غير فالمول تقدينا كاع داكشي لي خاصنا وجينيا
لالة الياقوت: واخا دخلو حطو داكشي وسيرو تغداو
رانيا: تغدينا اماما كوني هانية

مشات رانيا لبيتها كتستف فالحوايج
وزمرد كذالك لي تستف وتقيس عجبوها بلا قياس ، قادات كلشي فبلاصتو ومشات حيدات ديك سبرديلة لي لابسة طيبات ليها رجليها

دخلات دوشات حيدات عليها العرق خرجات ريحتها كتفوح شحال زوينة دبا عاد رتاحت لبسات حوايجها وهبطات التحت كتمشا وضور فعينيها كتشوف الدار كيدايرة حيت مشافتهاش مزيان ملي يالاه جات
كتشوف فالديكورات لي باينة غاليين و اللوحات والأثات...
حتى كضرب مع شي حيط تزعزعات كاملا كانت غطيح جاب الله شدها قبل متجي طايحة ، طلعات عينيها ب صدمة حتى لقاتو هوا

عند منصف لي كان فالجردة داوي ابيل سالا وتم طالع المكتب ديالو وعينيو فالتيليفون خدام فيه حتة ضربات معاه شدها باش مطيح غير شافها توكضات اوهوا يطلقها او طلع بحال الا موقع والو
زمرد يالاه بغات تعتاذر حتى كتشوفو مشا متسوقش هزات كتافها او كملات خارجا الجردة

#يتبع