حب نتيجة خطأ طبي

الجزء التسعون

حب نتيجة خطأ طبي
#بارت90♡♡

داز الوقت

زمرد عاد راجعة هي و منصف داخلين حتى كتعيط لالة الياقوت على زمرد...

الياقوت: زمرد بنتي اجي..

مشات زمرد عندها تشوف لاياش بغاتها... هزات لالة الياقوت ديك البواطة مداتها لزمرد لي شداتها من عندها و هي كتساءل اشنو غيكون فيها...

زمرد بفضول: شنو كاين هنا؟؟
لالة الياقوت: وحليها وشوفي...

حطاتها زمرد فوق الطابلة و حطات صاكها و مدات يديها للبواطة تحلها.. مع حلاتها مع تحلو عينين زمرد معاها... هزاتها على طولتها كتشوف فيها و عينيها فيهم واحد اللمعة ديال الفرح...

كانت لاغوب بيضة طويييبلة مرصعة بالاحجار و منبتة باحترافية مشدودة من جيهة الكرش و من لتحت مطلوقة واسعة و كتافها طايحين بقات كتشوف فيها جاب ليها راسها كتحلم و ماسي غير هادشي معاها تاج ديالها داير بحال ديال الاميرات كلشي زوين حمقها كتر من القياس

زمرد: صراحة معرفتش اش غنقول و الله كلمة واعرة قليلة فحقها...
لالة الياقوت: تستاهلي كتر ابنتي...

مشات زمرد جيهتها عنقاتها و شكراتها حيت فايت ليها قالت ليها بلي كتمنى تلبس الكسوة البيضة فعرسها و بالمواصفات لي هي باغة...

دارت شافت فماماها لي عينيها تغرغرو بالدموع كتشوف بنتها كبرات و نضجات غتزوج و تولي هازة مسؤولية...

زمرد مشات عندها عنقاتها: متبكيش ا ماما نتي خاصك تفرحي ليا ماشي تبكي...
فاطمة : انا فرحانة ليك و بزاف ا بنتي هادو غير دموع الفرح.. واش كاينة شي ام مكتفرحش لبنتها دبا انا وليت مهنية من جيهتك حتى الا بغات تجي الموت مرحبا..
زمرد بحزن: الله ينجيك ا ماما متقوليش هاد الهضرة باقي العمر قدامك نتي غتبقاي معايا...
فاطمة بغات تلطف الجو: ايه انشاء الله نشوف حفايدي هاديك هي الدنيا..

زمرد بتاسمات ورجعات كتشوف فديك الكسوة..

زمرد ابتسامة عريضة على شفايفها: واش صافي دبا هادي ديالي نقدر ناخدها..

گاع لي فالصالون ضحكو عليها..

سارة:لا احبيبة هاديك ديالي حطيها...
زمرد خنزرات فيها: اممم ديالي گالاك..

هزاتها و تمات طالعة بيها الفوق مرداتش البال لمنصف لي بقا غير حاضيها و كيضحك على تصرفاتها الصبيانية و شاف الفرحة ديالها فاش شافت لاغوب ديال العرس حس أخيرا بلي هو دار شي حاجة تفرحها... اه منصف هو لي ختار الموديل ديال لاغوب و هو لي هضر مع اشهر مصمم ففرنسا باش يوجدها ليه خصيصا ليها هي... هادشي حتى واحد معارفو كلهم على بالهم بلي لالة الياقوت مولاتها حيت اصلا حتى واحد مغيتوقعها منو..

عند زمرد لي دخلات البيت هزات ديك لاغوب علقاتها باش متخسرش ليها و بقات كتشوف فيها و هي كتفرنس...

زمرد:يااااي دبا هادي ديالي ناري شحال فنة واااو بحال لي كنت كنحلم بيها.... هادي انا لي غنلبسها غدا اه انا غذا عرسي(قلبات ملامحها ل حزن فاس تفكرات باباها) و لكن بابا ماشي معايا ( دموعها خانوها ) هئئىىئ هئىى كان غيفرح فاش يشوفني بالكسوة البيضة

#يتبع...