حب نتيجة خطأ طبي

الجزء المئة و الواحد و العشرون

حب نتيجة خطأ طبي
#بارت121♡♡

نمشيو لمكان آخر عند معاذ ومنصف لي جالسين فواحد ريسطو كيهضرو...

منصف: معاذ مبغيت يوقع حتى مشكيل فهمتي اشنو غدير ياك...
معاذ: ولا عليك... قشع هاهي جات يالاه نخليك اساط نتلاقاو هنا من هنا ربع ساعة...

دور منصف وجهو بانت ليه سيلفيا لي جاية لابسة كسيوة مزيرة عليها وطالون كتقرقب بيه وصاك فإيديها... خنزر فيها ودور وجهو لبس عليه القب ديال القبية باش متقشعوش...

ناض معاد مشا عند سليفيا لي جالسة ف طابلة...

معاذ: سيلفيا سلام..
سيلفيا: سلام علاش طلبتي تشوفني شنو كاين؟!
معاذ: واحد الصفقة فالخدمة خاصني نهضر معاك فيها...

سيلفيا: اه هاني كنسمعك...

معاذ لي بدا تيعاود ليها على الصفقة لي مكايناش من الأساس اصلا... باقي سيلفيا كتصنط ليه حتى جا عندها العساس قاليها بلي طموبيلتك ممباركياش مزيان وخاصك تقاديها...

سيلفيا: اه هاك سوارت وقادها...
العساس: لا لا اختي منقدرش نخاف نلصقها ليك مع شي طموبيل خرا من الاحسن نوضي نتي...
معاذ: اه اه اسيلفيا سيري قاديها وجي انا غنتسناك...

سيلفيا شافت فيهم بجوج وناضت تشوف اشنو واقع...

عند معاذ لي شافها خرجات هز صاكها جبد منو تيليفونها حطو فجيبو اوعاود حط ليها واحد تيليفون فوطوكوبي على تيليفونها... رد صاك بزربة لبلاصتو ودار بحال الا موقع والو...

هاهي سيلفيا داخلة وباينة على ملامحها أنها معصبة... وصلات وجلسات بلاصتها...

معاذ: قاديتي امورك...
سيلفيا: اصلا مواقع والو غير عزيز عليهم اعدبو بنادم وصافي اما طموبيل ماشي ديالي بعدا...
معاذ: اه اقدر تغالطو.. مهيم شنو تبغي تشربي...

سيلفيا: عصير ديال الليمون...

عيط معاذ على سرباي طلب ليها عصير هو خدا قهوة كحلة...

سيلفيا؛ فين خليناها...

معاذ: اه اجي نكمل ليك..

بقا معاذ عوتاني كيشرح ليها ويخيط ويفصل من عقلو كدب الف كدبة وكدبة غير باش تيق بلي فعلا الصفقة كاينة...
سيليفا: صافي مزيان ملي تافقو قولها ليا..
معاذ: ضروري.. يالاه خليتك على خير نتلاقاو مرة خرا.

ناض معاذ سلم عليها وخلص داكشي لي خداو وخرج ولا نقولو دار راسو خرج...
بانت ليه سيلفيا خرجات ومشا رجع عند منصف لي لقاه باقي كيتسناه.

معاذ: تعطلت عليك...

#يتبع...