حب نتيجة خطأ طبي

الجزء المئة و الرابع و التسعون

حب نتيجة خطأ طبي
#بارت194♡♡

نرجعو عند أمجد..

حط البيسي و هبط باش يقوليها يالاه نوصلك للدار حيت فكر مع راسو مزيان و لقا هادشي لي كيدير مامنو فايدة...

هبط كيقلب عليها قلب كاع البويتة و الحمام و الكوزينة حتى بدا كيدخلو الشك و فعلا داكشي مناش خاف هو لي وقع مع شاف الباب محلول عرفها غتكون هربات..

امجد: ميييييغد فييين مشييتييي مكككلخة لمك فين غاادة فهاااد الليييل...!

مشا بالجرا لاح عليه جاكيط ديالو و لبس سبرديلتو و خرج كيجري و البرد على برا الى ملقاهاش غادي توضر حيت هاد البلاصة حافظها وعارفها  راه مامنها خروج دايرين بيها غير الشجر والغابات حتى الديور مكاينينش..

مشا امجد كيجري و يغوت بسميتها بأعلى صوتو و هو كلو أمل تسمعو و تجاوب "سااااارة" والو حسها مقطوع..

فبلاصة خرا
بالضبط فديك الغابة سارة لي كتجري و كتلهت كتحس بقلبها غادي يخرج من بلاصتو مدة و هي كتجري باقي ملقات حتى طريق و حس بنادم كقطوع.. هنا فعلا حسات بلي هي مكلخة وندمات لاش خرجات من الدار الشتا صبات عليها حوايجها تفزكو و شعرها لي لصق عليها اما رجليها كلهم مغيسين...

سارة(بالدموع): هئئىى ياااربي نلقا طريق باش نخرج من هنا هئئى انا خااايفة كاين ضلام هئئئئ ياربي

باقي كتبكي حتى قاطعها صوت الكلاب كينبحو...

هنا قلبها طاح فسروالها من كترت الخلعة محليتها للضلام وزادوها الكلاب.. بقات كتجري و رجليها فاشلين قلبها غادي يسكت وفمها كامل كيترعد من كترت البرد...

اما امجد كيجري ويصوط الدخان من نيفو معصب فين غيلقاها دبا فهاد الليل.. شعل الفلاش فتيليفونو باش توضاح ليه الطريق.. بقا غادي ويغوت بسميتها لي كتردد فأرجاء المكان.. والو ما من مجيب حاجة وحدة لي فبالو ولي باينة بلي موضرة فالغابة حيت هو حافظ الطريق مزيان وطريق وحدة لي كتدي للطريق الرئيسية هي فين كيباركي الطموبيل اما الطرقان لآخرين كيديو الغابة...

بقا غادي ويعيط ليها ويضرب فالشجر والحجر حتى طلع ليه الدم جلس فوق واحد الصخرة تما كيرتاح عيا من قوة الجرا وكيخمم كفاش يدير يلقاها...

امجد: فين مشيتي ياهاد المصيبة فيييين؟ طرتي زربانة هاانتي جبتييهاا فرااسك غنقلبب علييك حتىى نعياا ونمشي فحاالي نخلي مك ياكلوك الكلاااب... افف ا امجد اش كتقووول نتا لي جبتييهاا لهنااا نتا  لي غادي تخرجها...  بفف

ناض عوتاني كيدور غيعينه بانت ليه واحد الطريق كتدي لداخل الغابة كاع شاف فيها وهو يعقد غوباشتو...

امجد: المكلخة زعما تكوون دخلاات لهناا..؟؟

حيت تما فالغابة اغلبية فيه الحيوانات والكلاب وغير الصيادة لي كيدخلو ليها باش يصيدو..

خلاها فيد الله ومشا داخل وفينما وصل حدا شي شجرة كيضوي بالفلاش ياكما تكون تما..

هادو هما أجزاء الليلة البنات خليو ليا تعاليقكم وتساءلاتكم حول الاحدات القادمة #واش فنضركم امجد غادي يلقا سارة؟؟ واش هي غتكون بيخير ولا لا؟؟ بغيت اراءكم ماشي اب ولا كملي🔥🔥🚫

تصبحون على واقع اجمل بنات قلبي 😍❤🍻