حب نتيجة خطأ طبي

الجزء الرابع و الثمانون

حب نتيجة خطأ طبي
#بارت84♡♡

زمرد: دوزي تجلسي بلاش من صواب الا كان بحال هكا...
سارة: ونوضي راه الحصة غتبدا...

ناضت زمرد داخلين القسم هي و سارة مشاو شدو بلايصهم وبداو الحصة ديالهم....

الساعة تشير إلي 17:32 ديال العشية و البنات عاد خارجين من بعد ما دازت حصتهم بيخير.. سارة و زمرد خارجين شادين فبعضياتهم كيضحكو حتى نغزاتها سارة...

سارة: زمرد واش هاداك ماشي راجلك؟؟
زمرد: منيتك فين..

دورات وجهها بان ليها منصف متكي على سيارتو لابس سروال كحل مع تيشورت فالبيض و نضارات على عينيه
زمرد: واللهيلا هو اش جا يدير هنا؟
سارة: جابو الغرام هههه سيري سيري عندو انا غنمشي نخليك بسلامة..
زمرد: اويلي اجي مغنمشيش اصلا شكون قال ليك جا لعندي...
سارة: ههه مالو جاي عندي أنا؟ راه هو كيشير ليك تلاحي...

دارت زمرد بان ليها منصف كيدير ليها بايديه اجي.. تلفات معرفات تمشي و لا تبقى... يالاه دورات راسها بانت ليها سارة مشات طارت من حداها... دارتها فيد الله و تمشات جيهتو...

عند منصف لي كان سالا خدمتو بكري و صونا على الشيفور سولو على زمرد و قاليه بلي هو غيجيبها الدار... وصل بقا كيتسنى فيها حتى كتبان ليه خارجة مع شي بنت و صوت الضحك ديالهم واصل هنا عرف بلي هاديك هي لي كانت معاها فداك الحفل ....

وصلات زمرد حداه واقفة و گاع الأعين عليهم أولا نقولو گاع البنات ريوكهم سالو على منصف.. هو بحال ديما متسوق لحد..

زمرد بتوتر: احم سلام..
منصف: طلعي..
زمرد: كان الشيفور لي غيديني غير عدبتي راسك.
منصف ببرود: طلعي...

طلع منصف و طلعات حتى هي حداه... عفط عفطة وحدة مكسيري و كيدوبل فالسيارات غادي متسابق مع الريح... زمرد لي ولات كلطب غير توصل بيخير و صافي..

دازت دقائق قليلة تسمع واحد الفران سيك فالجردة ديال الفيلا دليل على انه منصف وصل... نزلات زمرد تبعها منصف داخلين للفيلا كيتصادفو مع أمجد خارج...

امجد بقا كيشوف فزمرد الشي لي مردش ليه منصف البال و لكن زمرد عاقت بيه داك نهار فاش بقى كيشوف فيها و دابا شاف فيها شنو زعما واش تكون دارت ليه شي حاجة و هي مفخبارهاش....

#يتبع...