حب نتيجة خطأ طبي

الجزء المئة و الخامس و الثلاثون

حب نتيجة خطأ طبي
#بارت135♡♡

منصف لي كيشوف داك المنضر قدامو ختو مع صاحبوو!!! متقبلهاش عيط ليها بأعلى صوت عندو...
منصف:راااااننييياااا....

رانيا لي عايشة اللحضة حتى سمعات صوت خوها لي برد ليها الما فالركابي وكفاش عيط عليها...
بعدات على معاذ دغيا ناضت بان ليها منصف جاي جيتهتها... ضرباتها بواحد جرية داخلا الفيلا هربانة من منصف لي ملامح وجهو مكتبشرش ابدا بالخير....
معاذ شاف منصف وهو يغمض عينيه كارز عليهم مكانش باغيه اشوفهم فديك الوضعية..

اما منصف لي عينيه تعماو ولات كتبان ليه غير ختو مشا غادي تابعها لدار وهو محلفها فيها... محس غير بمعاذ لي حبسو باش ميتبعهاش...
منصف بالغوات: حيييد يدديييك عليااا.. باااقي عندك الوجه...
معاذ بهدوء: منصف غير سمعني بعدا متسرعش...
منصف بالغوات:اشنووو غنننسمع اممم اشنووو... شفت بعيني ميمكنش ليك تكدبني...
معاذ بالغواات: واتهدن بعدااا..
منصف بأعلى صوت عندو: حيييد من قداامي مبغيتش نحط فيك إيدي.
معاذ بالغوات: ديير عقققلك راانيا معندها دخل فهاادشي...
منصف نفس النبر محافظ عليها: معااااذ بلاا متزيد طلع ليا الخرااا لراس لي فيا كافيني...
معاذ(طلع ليه دم): سسمع امنننصف غااادي تجلس نهضرو رااجل لراجل بلا تبرهيش..

منصف لي طلع ليه دم كتر ماهو معصب محس براسو غير هز يديه حتى الفوق عطاها ليه للوجه..

منصف بالغوات: اشنووو غنننسمععع؟؟ صااااحبي ليي دايرووو بحااال خوويا نلقاااه مع ختيي! ياشماااتة كااان اسحاااب ليااا راني مع راااجل صدقتي بحااالك بحاالهم... ختيييي غااادي ديرهااا بحااال ختتك ومعمرك تشووف فيهااا شي شوفة ماشي هي هاديك..

معاذ لي شاد فمو لي كينزف بالدم ومع صداع كاع لي فالدار خرجو سي محمد وامجد لي كسمعو الغوات وحتى كنزة لي ساقت خبار موت فاطمة جات عندهم...

معاذ بالغوات: منننصف اناااا كنبغي رااانيا وماااشي نتااا لي غااادي تمنعني من هااادشي وكنت عوااال غير يتهدنو الأوضاع نجي نطلب يديها ولكن نتااا بحال ديما مكتحاولش تسمع لناس ديما نتا لي عندك الاولوية... (دار يمشي فحالو وتفكر واحد الحاجة) اه ورانيا متحطش عليها يديك...
منصف بالغوات: ماااشي سوووقك نحط عليها يدي وكووون كنتي فعلا ناوي المعقول مغاديش تجي عندها فنصاصات الليل...

باقي مكمل هضرتو حتى جات عندو كنزة لي كتشوف الوضع غادي وكيحماض...

كنزة بترجي: ولدي تهدن راه قاليك بلي كيبغيها وبلي غادي يخطبها واصلا راه جا وهضر معايا وقلت ليه حتى تحسن حالة ماماك وترجع زمرد وجي تقدم ليها...
منصف بهدوء: مي كنزة انا لي عارف كفاش شفتهم وهاد الهضرة مكتبررش هادشي لي شفت...
كنزة: ولاواه نعل شيطان خلي لختك فين تنفس من حقها تعيش حياتها وتختار الشخص لي هي باغاه وزيد معاذ صاحبك مغاديش يدير شي حاجة لي غتآدي رانيا...

منصف ضرب فيهم كاملين ومشا دخل الفيلا الا بقا معاهم تما غادي يطرطقو ليه شي عرق.. اما معاذ لي غير كيشوف هاد الموقف لي طاح فيه..

كنزة: معاذ متخافش منصف هاد الأيام معصب غير بوحدو غير يتهدن ونا متأكدة غيجي ويهضر معاك...
معاذ: نشاء الله اخالتي وشكرا ليك....

هز راسو فالبالكون ديال بيت رانيا بان ليه ضو مطفي.. هبط عينيه وخرج.. اما امجد وسي محمد لي مفهمو والو...

أمجد: خالتي مال منصف وشنو جاب رانيا لمعاذ.؟؟
كنزة: كيف سمعتي معاذ كيبغي رانيا ومنصف معتارض.. يالاه دخلو مشا الحال...

#يتبع...