حب نتيجة خطأ طبي

الجزء المئة و الواحد و الأربعون

حب نتيجة خطأ طبي
#بارت141♡♡

اما منصف لي حاوطها بيديه كيطبطب عليها غير هو هاد المرة مقالش ليها سكتي ولا تهدني بالعكس خلاها تبكي وتخوي مافقلبها...

بقات دقائق وهي كتبكي حتى تفشات وهي تبعد عليه... مسحات دموعها و سمعو الغوات دارت هي و منصف بانت ليها خالتها لي جات ملي سمعات الخبار غير من عند الجيران.. أعوام و هي متتزورش ختها و ملي عرفاتها ماتت حات تتجري..

أمال تتبكي بالغوات: مشااااات!!! ختي مشااات.. مشاااات و خلاتنا مشات..

زمرد مفهمات والو حتى بانت ليها خالتها لي تتشبه لمها و هي تبدا تبكي من الجديد.. و ختى أمال لي غير بانت ليها زمرد جات العندها و عنقاتها و تتبكي.. منصف شافها معنقة زمرد و تتبكي معجبوش الحال بدا تيعض فمو من لداخل بالفقصك حيت يلاه سكتات من البكا جات أمال و خسرات ليه كلشي.. قرب ليها و بعد أمال على زمرد لي غير شافتو شنو دار تصدمات جرها لعندو و عنقها..

منصف: شكون هاد المرا؟
زمرد بعدات منو مخنزرة: هادي خالتي!!
أمال: زمرد!
زمرد: هادا راجلي
منصف مع أمال: براكة فراسك!
أمال و هي تتبكي: وا مشااااات مشاااات أعباد الله مشااات..

منصف خنزر فيها أما هي حلفات لبغات تسكت غير تدور فالدار و تتقول ختي مشات..

منصف: زمرد! غادي نخرجو لگنازة دابا!!

زمرد غير سمعاتو شنو قال قلبها تعصر.. و الدموع بداو تيهبطو من عينيها بحال الشتا بزز حركات راسها بآه.. منصف دار إشارة لأمجد.. و جا عندو هو ومعاذ لي غير شافو منصف خنزر فيه..

معاذ: زمرد! لبراكة فراسك
زمرد: ممشا معاك باس أ خويا!
أمجد: الله يرحمها..
زمرد: آمين!
منصف تاجه عند كنزة و هضر فودنيها: الگنازة غادي تخرج دابا!! مبغيت تاشي حد يشوفها من غير بنتها!!
كنزة: أصلا مدخل تاشي حد و لكن ختها؟ واش مندخلوهاس تسامح معاها؟
منصف بكل برود: لا!
كنزة: لي بان ليك!

منصف تاجه للبيت و العيالات غير سمعو لگنازة غادي تخرج دابا و هما جايين باغين يشوفوها.. و يديو الخبار تصدمو.. حيت اغلبيتهم عرفوها تحرقات.. جات واحد المرا عند أمال باش زعما تدخل هي وياها..

لمرا: ختي أمال واش غيدفنو ختك قبل متشوفيها؟؟
أمال شافت فيها و هضرات: و مشااااات ختي مشاااااات اناااا ترزييت فختي

أمال تتبكي و بالجهد الصوت لي زعج منصف حيت فالگنايز الناس خاص يبكيو بدون صوت و هي دايرة ليهم حالة ساكت بزز غير حيت هي خالة زمرد..

المرا مشات عند زمرد: بنتي الله يجازيك بيخير خليني نشوف المرحومة نتسامح معاها قبلما تدفن..

يلاه زمرد جات تجاوبها و هو يبان ليها منصف و أمجد هازين مها مخرجينها من البيت.. بدات تتبكي و تتشهق و هي تتشوف مها خارجة من الدار.. المل تيشوف و كاينين لي ناوين يحبسو منصف و أمجد باش ميخرحوش لگنازة.. و الغوات ناض حتى طلعو الرجال و حبسو العيالات.. و خرجوها من الدار.. بدا صوت الغوات تيتعالى فالدار و زمرد مقدراتش تستحمل كثر و هي تسخف ليهم هزوها و داوها للبيت ديال مها.. غير فاقت كملاتها بالبكا

#يتبع