حب نتيجة خطأ طبي

الجزء السابع و الثمانون

حب نتيجة خطأ طبي
#بارت87♡♡

🌼صباحنا مودة ورحمة من رب العالمين🌼

نبداوه من عند ابطالنا

منصف لي فاق كيحل فعينيه بتثاقل هبط عينيه لقا زمرد مخشية فيه بحال القطيطة و هو محاوطها بيديه.. دار نص ابتسامة و بقا على الوضع ديالو متحركش باش ميفيقهاش...

اما زمرد فاقت على صوت الهرج جاي من التحت حلات عينيها بازعاج و شعرها شاد ريزو الفوق... حتى كتلقى راسها مخشية فشي حضن.. طلعات عينيها بان ليها منصف لي مخشية فيه قفزات من بلاصتها و جلسات على ركابيها...

زمرد: اويلي اش واقع؟ اش كندير انا تما ياك ماااا...(دارت فيه نضرة شك)..
منصف: مالك؟!
زمرد: اش كندير تما؟؟؟
منصف(بغا اشد فيها): فين تما
زمرد: تما تما(كتشير لجيهتو) زعما علاش عنقتيني..
منصف بطنز: ماشي من حقي و لا شنو...
زمرد: من حقك... لا لا ماشي من حقك...
منصف معلي حاجبو: لا من حقي ندير كتر..
زمرد: خليني عليك يخخ

ناضت من بلاصتها خارجة فحالها المهم هو تهنى من هاد الموقف لي طاحت فيه... غادا فالكلوار ناسية راسها..

زمرد: و شحال مصندل قاليك من حقي ندير كتر يخخخ.... و لكن ا زمرد راه منحقو!! لا لا ماشي من حقك فين عمرو حط عليا يديه ياء..

بقات مجمعة و هابطة فالدروج وقفات فآخر درجة فاش بان ليها بزاف ديال الدراري فالجردة كينقلو شي اتاث و واحد المرا كبيرة فالعمر و لكن باقي شادة فراسها لابسة كلاص و الوقفة مجبدة و لالة الياقوت حداها... شي داخل شي خارج حتى تم داخل واحد الدري و طول الشوفة  فزمرد...

عند منصف

لي تابع زمرد يشوفها فين غادة بديك الحالة.. حتى كيبان ليه واحد المنضر زمرد واقفة هكاك بديك البيجامة قصيرة و سروالها لي مزير عليها نوعا ما و صدفة اللولة من البيجامة محلولة شوية و هو يبان ليه واحد دري مطول فيها شوفة... هنا منصف صعر ديال بصح دوز ليها ديال خرجات و تعطلات بلا خبارو و لكن باش تخرج هكاك بداك اللباس يشوف فيها العادي و البادي حتى لهادي ميسكتش ليها كيحس بيها كتهينو فروجولتو...

منصف(بعصبية): زمرررد

زمرد سمعاتو عيط ليها دورات راسها بان ليها واقف الفوق و عروق جبهتو بارزين...
زمرد شافت فيه ببلاهة: نعام!!؟
منصف بحدة: طلللعي دبااا..
زمرد : علااش
منصف بصوت تيخلع عكس نبرة صوتو لي مولفة تتسمع: زمرد طلعي..

#يتبع...