حب نتيجة خطأ طبي

الجزء الرابع و السبعون

حب نتيجة خطأ طبي
#بارت74♡♡

زمرد:ماشي غنتعطلو راه قلتي ليا خاصنا نرجعو بكري..

رانيا:لا لا مغنتعطلوش بزاف غير زيدي عرفتي غيعبجك الحال انا متأكدة...

مشاو البنات طلبات رانيا من الشيفور اوصلها لواحد الصالون ديما كتمشي ليه هي وماماها...

وصلو لقاو انا البنت لي مكلفة بيه رحبات برانيا و حتى زمرد خصوصا ملي عرفات بلي هي مرات منصف العمراني...

البنت(مولات الصالون):اهلا رانيا كيف دايرة لاباس عليك..غبرتي علينا
رانيا:مبقيتش كنجي راك عارفة مع القراية...ودبا جيت انا و مرات خويا..ههه

البنت:مرحبا بيكم شنو بغيتو ديرو..

رانيا:امم بغيت سوان فيزاج ل وجهي و رجلي و بغيت نقاد ضفاري..

رانيا شافت ف زمرد:ياك حتى نتي ازمرد..
زمرد:اه بحالك..
جلسو البنات كل وحدة مكلفة بيها بنت دارو ليهم كوماج ل وجههم و لي ماسك و مرطبات... خلاصة القول ردو ليهم بشرتهم كتشقشق اما زمرد لي اصلا بشرتها كانت زوينة وزادتها دبا بهاد العناية لي دارت ليها ولات كتشقشق بالبيوضة وحنيكاتها تزنكو ولات كتحس ب بشرتها ولات فريش ورطيطبة...

رجليهم حتى هما دارو لي واحد الحكة و تفريكة ل قدامهم ولاو حومر ورجيلاتهم بياضو ونقاو ليهم ضفيراتهم...
دارو ليهم مساج وقادو ليهم ضفار وشعرهم حتى هو..

خرجو من الصالون كيشعلو وطايح عليهم السر..

رانيا:الله شحال عزيز عليا نجي لهاد الصالون...عندهم كلشي مقاد و حتى خدمتهم زوينة تبارك الله..
زمرد(بتاسمة): واييه عندك الحق تانا حسيت بالراحة
نزلات زمرد عينيها ل الساعة وتصدم..
زمرد:اويلي تعطلنا ارانيا..
كانت الساعة قريبة ل 21:00
رانيا:وي عندك الحق تعطلنا ولاكن راه كنا فالصالون طبيعي غنتعطلو

زمرد عاد سرات معاها شنو دارت وبلي خارجة بلا خبار منصف وخا هو ديما فطبعو بارد حتى الغوات عمرها شافتو كيغوت ولاكن دوك النضرات لي كيدير فبنادم عندو واحد الهيبة و الكاريزما كتخليك تحتارمو بزز منك..

مشاو لقاو الشيفور باقي كيتسناهم طلعو و وصلهم نيشان الفيلا..مع غيهبطو بان ليهم سيارة منصف مباركية فالجردة عرفوه جا..رانيا تخلعات نوعا ما حيت خوها كبر منها و كتحتارمو ومعندوش مع البنت تبقا خارجة حتى ل نصاصات الليل و حتى ماماها مانعاها تبقا الليل على برا و لا تمشي لشي بلاصة بوحدها..وخا عندهم الفلوس و كلمتهم مسموعة الا انه ديما الاحترام ف عائلتهم..

دخلو لقاو لالة الياقوت وسي محمد جالسين ف الصالون باباها هاز جريدة كيقراها و نضارات علي عينيه اما لالة الياقوت لي هازا تيليفونها...ختى كيبانو ليها البنات داخلين..

لالة الياقوت:على سلامتكم...

#يتبع...