حب نتيجة خطأ طبي

الجزء الثامن و الثمانون

حب نتيجة خطأ طبي
#بارت88♡♡

منصف بصوت تيخلع عكس نبرة صوتو لي مولفة تتسمع: زمرد طلعي..
زمرد شافت فيه ديك الشوفة ديال منيتك: مالك ا منصف...

منصف لي دار فيها وااحد لالة مولاتي تخنزيرة حتى جمعات راسها... طالعة و هو باقي واقف بلاصتو كيتسناها تسبق قدامو...
داكشي لي كان سبقات زمرد كتمشى قدامو و هو تابعها من اللور كيعبر فيها و كيتحلفها فيها... دخلو البيت وقفات زمرد كتسنى فيه حتى دخل و سد الباب موراه...

منصف: اش ديك الحالة خارجة بيها اممم
زمرد:اينا حالة؟؟

هبطات عينيها شافت فراسها و لقات بلي هضرتو بصح ديك البيجامة مكشوفة.. زمرد لي غير كدور فعينيها..

منصف مربع يديه و تيشوف فيها..

زمرد: مقصدتش راه غير نسيت...
منصف: نسيتي... اممم (هضر بعصبية) شووووفي ازمرد هادي ماشي اول مرة!! واش فهمتي؟ ماااشي اول مرة تخرجي بلاا خباري ندوزوها و لكننن باش تخرجي معرية مخلية الشمايت يشوفو فيك حتى لهادي لاااااا واش فهمتي؟؟.. اش كنبان ليك انا اممم هضري اش كنباااان ليك ديوتي !! كنبان ليك انا ديوووتي لي نخلي مرتي تخرج هكا ااااخر مرة سمعتي اااخر مرة (شدها من يديها مقربها ليه و نطق خدا ودنيها بنبرة مرعبة لي خلات جسدها يرتاجف) وراه المرة الجاية منضمنش ليك اشنو غيوقع تاقي شري حسن ليك...

غير كمل هضرتو بعد عليها تيشوف فيها.. زمرد لي لقات هضرتو عندو فيها الصح عاد الخوف لي حسات بيه من تهديدو ليها عينيها غرغرو..

منصف شاف ديك اللمعة فعينيها الدموع تيهبط تزير عليه قلبو بزااف و هضر معصب هو لي عمرو تعصب

منصف: علاش بقا فيك الحال؟ دبا هضضضضري!! علاش بقا فيك الحال اممم؟ واش كدبت بشي حاجة هضري(كيزعزعها باش تهضر) واش عندي الحق و لا لا...
زمرد: ل لل لا عندك ال حق..
منصف: وعلاش كتبكي واش انا ضلمتك...؟

زمرد لي دموعها خانوها مقدراتش تحبسهم اصلا معرفاتش علاش كتبكي غير حسات براسها بغات تبكي و صافي.. و كلما تيشوف دموعها تيزيد يتعصب مفهمش علاش مقدرش يتحكم فراسو هو لي ديما بارد و متيتسوقش

منصف بنفاذ صبر: زمرد زمرررد حبسي من البكا...

زمرد لي عاد مزايدة فيه محسات غير بمنصف لي جرها بالجهد عندو معنقها خاشيها فصدرو مزير عليها بحال الا غتهرب...

اما زمرد

لي مكانتش نهائيا متوقعة منو هاد التصرف و فهاد اللحظة بالضبط... و لكن حسات بشي حاجة حسات بالحنان لي كتقلب عليه حسات براسها بلي محتاجة داك العناق محاولاتش تمنعو و لا تبعد عليه بالعكس عاد مزادت تمخشات فيه و ساكتة مخلية احاسيسهم هما لي يعبرو على الكلام لي فالداخل ديالهم... (منصف صدق حنين البنات🙂)

...بقاو على داك الحال شحال حتى حسات زمرد براسها رتاحت.. و هي تبعد عليه عاد حسات براسها وشنو دار بيناتهم.. بعدات عليه و هي متوترة كتقاد فشعرها و دور عينيها هنا و هنا و تفرك صبعانها خلاصة القول السيدة تلفات... و معرفاتش كيفاش تتصرف

#يتبع...