حب نتيجة خطأ طبي

الجزء المئة و التاسع و الأربعون

حب نتيجة خطأ طبي
#بارت149♡♡

دخلات لقاتو مشا لبيتو دخلات تابعاه وقفات قبالتو كتشوف فيه...

منصف: مالك ؟
زمرد: بغيت نهضر معاك..
منصف:امم هضري...

زمرد: نسا عليا امجد بغيت نهضر معاك على ماما.. علاش كانت محروقة فوجهها وشكون كان السبب فالحريق لي وقع فالعرس وعلاش خالتي فغيبوبة... بلا متقول ليا مكاين والو جيت عارفة بلي نتا عارف كلشي...
منصف تنهد: ونتي علاش باغة تعرفي..
زمرد بحدة: من حقي نعرف...

منصف بقا كيفكر شحال واش اقول ليها ولا لا فالاخير قال مع راسو بلي من حقها تعرف..
منصف: سيلفيا هي السبب لي فالحريق لي وقع.. رتاحيتي دبا؟؟
زمرد بصدمة:كفاش سيلفيا؟؟؟ وعلاش هي دارت داكشي كامل وشنو الغرض ديالها؟
منصف: زمرد شنو غادي تستافدي الا عرفتي!؟ صافي نساي!!
زمرد بعصبية: كيفاش نساي؟؟ راه ماما ماتت من حقي نعرف شكون تسبب فموتها!! و علاش دارت هاكا!!
منصف بحدة: زمرد!!! تهدني..
زمرد جعرات: كيفااااش؟ نتهدن!!! علااش غادي نتهدن؟ هادييك لي ماتت هي ماما.. و هاديك لي تخطفات و تعذبات و كانت عادي تغناصب هي أنا!! و تتقول ليا تهدني!! لا مغاديش نتهدن و عمرني غادي نتهدن حتى نعرف علاش،؟؟

منصف بقا تيشوف فيها و فهمها و فنفس الوقت و مباغيهاش تأزم كثر ملي تعرف السبب علاش سيلفيا دارت هادشي.. بقا تيشوف فيها مدة و هي تترجاه بعينيها باش يقول ليها علاش.. زمرد باغة تعرف من عندو الحقيقة كاملة.. بغات ترتاح حيت ملي رجعات و تفكيرها فحاجة وحدة شكون و علاش؟؟

منصف بهدوء و هو تيشوف فيها: غرضها بيك..
زمرد بعدم فهم: انا اش دخلني..
منصف قرر يكون صريح معاها: حيت انا وياها كنا مخطوبين وتفارقنا ومنين ساقت خبار زواجنا بغات تخربو وتافقات مع هاداك لي خطفك وشعلو العافية وخطفوك... فهمتي؟؟

زمرد بقات كتشوف شحال عينيها دمعو: امم فهمت حيت نتا كنتي خطيبها شعلات العافية وقتلات ليا انا ماما ياك!! داكشي علاش وجه ماما مسكينة كان محروق... و انا هادوك الأيام لي دازو عليا بالعداب.. غير حيت خنتي خطيبها.. يعني كلشي بسبابك وسكتي بحال إلى موقع والو..
منصف بحدة: زمرد انا معندي حتى دخل فهادشي!! هي الحقد لي فيها لي خلاها دير هادشي ومتنسايش بلي حتى ماما تضررات من هادشي كامل...
زمرد(هبطات ليها دمعة من عينيها): انا ماما ماتت... ماتت مبقاتش غترجع امنصف.. وكلشي بسباب ديك سيلفيا...
منصف تنهد: زمرد...

معطاتوش فرصة فين يهضر مشات دخلات لدريسينغ هزات واحد صاك صغير جمعات فيه الحوايج لي غتحتاج وتمات خارجة..
منصف لي شافها هازة صاك علا حاجبو وشاف فيها
منصف: فين غادة بالسلامة؟
زمرد: بغيت نرتاح ماشي من حقي؟؟

منصف فيه لي يحبسها ويقول ليها معندك فين تمشي ولكن مبغاش ازيد عليها حتى هو إلى كانت غترتاح وهي بعيدة عليه يخليها ترتاح وهو متأكد بلي غادي تهدن ويشرح ليها كلشي..
منصف: من حقك تانا مغنحبسكش..!
زمرد شافت فيه ببرود وخرجات هازة صاكها مهضرات مع حتى شي واحد خرجات نيشان شادة طريق وهي عارفة مزيان فين غتمشي...

مدازش بزاف ديال الوقت وصلات للحي ديالهم وقفات قدام دارهم لقاتها مسدودة بالقفل عرفات بلي غيكون مولاها لي سدها تنهدات بتعب وقلبات طريق لدار هاداك راجل لي كانو كاريين عندو.. وصلات دقات وخرجات ليها بنتو قالت ليها تعيط لباباها وداكشي لي كان..

زمرد: سلام عمي جيت عندك على قبل دار...
...: اه ابنتي راه شهورا هادي متخلص الكرا انا عارف بلي المرحومين الله يرحمهم مبقاوش غيرجعو ليها داكشي علاش سديتها..
زمرد: انا غنخلص ليك الكرا الا كان ممكن بغيت سوارت ديالها...
داك راجل لي بقات فيه وعطاها سوارت شداتهم وتمشات راجعة لدار...
وصلات حلاتها مع دخلة حسات بقلبها تقبط تفكرات ياماتها مع واليديها لي مبقاش ليهم وجود فهاد دنيا..

حيدات صندالتها وحطات صاكها مشات شعلات ضواو لقات كلشي باقي هو هو تصاور ديال ماماها وحتى باباها وتصاورها هي وصغيرة الحوايج كلشي باقي فبلاصتو... مشات دخلات لبيت واليديها كدور فعينيها وتشم فريحة ماماها لي باقي لاصقة فالحوايج...

#يتبع...