حب نتيجة خطأ طبي

الجزء الثاني عشر

سي براهيم حالتو كانت كفس من حالة ديال فاطمة بأضعاف كيحمل راسو الذنب حيت هو سباب فموت بنتو حسب اعتقادو كن مجرحهاش بديك الهضرة وجرا عليها مكانش غيوقع ليها هادشي مكانتش غتنتاخر وتقتل راسها... هادو هما الافكار لي بقات تتسارا فدماغو..

سي براهيم بقا ساكت منطق متكلم  ودموعو دايزين شلال
شويا جاه واحد الالم قوي فقلبو بقا شاد فقلبو كيتألم بصوت مسموع و جبينو تيصبب بالعرق.. من بعد طاح فالارض و باقي شاد قلبو..

الكوميسير و فاطمة لي ردو ليه البال

الكوميسير خرج بالزربة كيعيط على شي حد باش يعيطو  لاومبيلونص حيت حالتو باينة ماشي تالهيه.. تم داخل واحد الولد خدام معاهوم نيت ( شاف سي براهيم لي مليوح فالأرض وشاد قلبو)

الولد: نعام اسيدي كاين شي مشكيل
الكوميسير بحدة: بزربة يالاه عيطيو ل الإسعاف إجيو..

دري تخلع و مشا كيجري...

فاطمة كتبكي و تتشهق.. معرفات تبكي على بنتها لي ماتت(على حسب اعتقادها)  أولا على راجلها لي كيموت قدامها..

فاطمة بحرقة: هئئ الله ياربي اش هادشي كيوقع لينا هىىئ هئ محيلتي لبنتي محيلتي لراجلي
الكوميسير بقات فيه: تهدني ا لالة مغيوقع والو

جات الإسعاف داوه لصبيطار....

داز نهار و جا نهار جديد بأحداث جديدة

نمشيو لبلاصة خرا بالضبط ف شركة "العمراني" اكبر شركة وعندها فروع فبلدان  أمريكا و فرنسا..

كان واقف حدا واحد الحيط لي كامل من زاج كيشوف وساهي وملامح البرود طاغية على وجهو وكاس ديال القهوة ف يديه..
كان لاباس شوميز فالكحل لي جات لاصقة عليه وسروال جينز حتى هو فالكحل وداير ساعة يدوية على يديه وعاطي بالضهر الباب ، حتى سمع دقات فالباب

منصف: دخل

معاذ بابتاسمة جذابة: اهلااا صاحبي

منصف دار و بان ليه صاحبو  دار نصف ابتسامة ودغيا جمعها

منصف: اووووهووه  زارتنا البركة

"تسالمو سلام رجولي (معاذ صاحب منصف وفنفس الوقت شريكو فالخدمة وصحاب  من الطفولة نقدرو نقولو كبرو بجوج فعمرو 29 عام بحال منصف عندو مو و باه وختو باقي صغيرة فعمرها 15عام)

جلسو بقاو مجمعين حيت معاذ كان ف فرانسا مكلف بالأعمال لي تما، بقاو كيديو ويجيبو فالهضرة فالآخر تافقو هاد العشية يمشي مع منصف ل عند واليديه حيت ماماه ديما كتقوليه يجي..( غادي غير بزز باش يشوف واليديه وخوتو حيت توحشهم)

معاذ: و انا بغيت غير نعرف وقتاش غتبدل ا صاحبي؟؟

منصف خنزر فيه

معاذ بابتسامة: مقلت ليك والو! نتا لي عقلك مشا لبعيد..
منصف: مزيان
معاذ: تلاقيت بيها! كانت مع واحد خاينة

منصف غير سمع معاذ شنو قال تسيف كليا لاح الكاس ديال القهوة من يديه..

منصف بهدوء مع واحد النظرة تتخلع: قلت ليك مبغيتش نسمع عليها والو!!

معاذ: غير برد!! مهم قول ليا غتحضر للحفلة؟

منصف يديه بقاو تيترعدو و حرك راسو بآه

"فالفيلا"🏡

نمشيو عند رانيا  لي كانت فالغرفة ديالها كتقاد قدام المراية ، لابسة سروال جينز كحل مزير من الفوق واسع من التحت مع شوميز بيضة خاشياها فيه وطالقة شعرها دارت ميكاب خفيف سالات وبقات كتفكر كيفاش دير تقنع ماماها تخليها تخرج

هبطات لقات ماماها فالجردة جالسة حاطة رجل على رجل ونضارات على عينيها وهازا مجلة كتشوف فيها

رانيا بتوتر: احم ماما

لالة الياقوت هزات فيها راسها طلعاتها وهبطاتها ، هزات فيها حاجب

لالة الياقوت: فين غادة بالسلامة
رانيا كدوي بالزربة: عيطو عليا البنات قالو ليا نخرجو انا وافقت عافاك اماما خليني نخرج راني قنطت فالدار ها شوفي والله منتعطل أصلا لافاك و مانعاني منها باراكة

لالة الياقوت فكرات حتى عيات  ومنبعد خلاتها تخرج

لالة الياقوت: شوفي عند ساعة تكوني فالدار  و والله ونسيق الخبار بلي تلاقيتي مع داك ميخي حتى الخبار توصل لخوتك اوا هاني قلتها ليك يالاه غبري ...

رانيا لي باست ماماها وخرجات طاايرة ....

#يتبع