စစ်ဧကရာဇ် လီကွမ်ရီ ( Book 2 ) ( Ch 991 - ) ခွင့်ပြုချက်ရပြီး

1076 - 1080

စစ်ဧကရာဇ်(Chapter:1076)
(တားဆီးလို့မရတဲ့ ချန်ပေါင့်ကျန်း)
....................................................
     ဒေါသထွက်နေတဲ့ ရတနာကျောင်တိုင်သခင်ကို ကြည့်ပြီး အားလုံးမှာ တိတ်တိတ်ဆိတ်သွားကြသည်။ ရတနာကျောက်တိုင်သခင်က အင်ပါယာနယ်မြေမှာ လေ့ကျင့်ပြီး လီကွမ်ရီကို အနိုင်ယူဖို့ ပြင်ဆင်နေမှန်း လူတိုင်း သိကြသည်။ သို့သော် ယခုမူကား လီကွမ်ရီရဲ့ ကိုယ်ရံတော်ကိုပင် အနိုင်မယူနိုင်ခဲ့ပေ။ လီကွမ်ရီကို ဘယ်လိုလုပ် အနိုင်ယူတော့မည်နည်း။

     ကျိခွမ်းဝူတိနဲ့ အခြားပါရမီရှင်များစွာမှာလည်း အနည်းငယ် တုန်လှုပ်နေခဲ့ကြသည်။ သူတို့ကို အံ့အားသင့်စေသည်မှာ ချန်ပေါင့်ကျန်းက အင်မော်တယ်ခန္ဓာကိုယ်ကိုပင် ထုတ်ဖော်ခြင်း မရှိဘဲ အနိုင်ယူနိုင်ခဲ့သည်။

     ချန်ပေါင့်ကျန်းတဖြစ်လည်း နှစ်ဖက်သွားဓားပိုင်ရှင်ရဲ့ အကြောင်းကို အတော်များများက ကြားဖူးကြသည်။ သူမက အဆုံးမဲ့တောင်တန်း အင်မော်တယ်ခန္ဓာကိုယ်ကို တစ်ဝက်အထိ ကျင့်ကြံအောင်မြင်ပြီးပြီ ဖြစ်သည်။ ယနေ့တိုက်ပွဲ၌ ထိုခန္ဓာကိုယ်အမျိုးအသားကို မြင်ရမည်ဟုလည်း အားလုံးက တွေးထင်ထားကြသည်။ သို့သော် ချန်ပေါင့်ကျန်းက အင်မော်တယ်ခန္ဓာကိုယ်ကို အသုံးမပြုဘဲ အနိုင်ယူပြခဲ့သည်။ အကယ်၍ သူမသာ အဆုံးမဲ့တောင်တန်း အင်မော်တယ်ခန္ဓာကိုယ်ကို အသုံးပြုပါက ယခုထက်ပိုပြီး ကြောက်စရာကောင်းမည်မှာ သေချာသည်။

     ဘန်း ... ဘန်း ... ဘန်း ... ရုတ်တရက် သတ္ထုအချင်းချင်း ထိတွေ့သံတွေ ထွက်ပေါ်လာခဲ့သည်။ တစ်ချိန်ထဲမှာပင် သတ္တုတွေ ပေါင်းစပ်ပြီး ရတနာကျောက်တိုင်သခင်ရဲ့ ကိုယ်ပေါ်၌ ချပ်ဝတ်တစ်ခုအသွင် ဖြစ်ပေါ်လာခဲ့သည်။

     ဒါက ရုတ်တရက် ဖြစ်ပျက်သွားခြင်း ဖြစ်သည်။ သံချပ်ဝပ်အင်္ကျီကို အင်မော်တာ်အဆင့် သံမဏိဖြင့် ပြုလုပ်ထားပုံ ရသည်။ ၎င်းက ရွှေရောင်အလင်းတန်းကို ထုတ်လွတ်နေပြီး အားလုံးရဲ့အမြင်တွင် လွန်စွာမှ ကျက်သရေရှိနေခဲ့သည်။ လက်ရှိအချိန်၌ ရတနာကျောက်တိုင်သခင်ကို မည်သည့်လက်နက်မှ မထိုဖောက်နိုင်ဟုပင် ထင်မှတ်ရစေသည်။