စစ်ဧကရာဇ်(Chapter:1531)
(ပြိုင်ဘက်ကင်းသစ်ပင်)
.................................
ဝုန်း ... အစိမ်းရောင်အလင်းတန်းများက ဝိညာဉ်ကမ္ဘာတစ်ခုလုံးကို လင်းထိန်နေစေသည်။ တစ်ကမ္ဘာလုံးသည် မျက်စိတစ်မှိတ်အတွင်း ထိုအလင်းတန်းများအောက် နစ်မြုပ်သွားခဲ့သည်။
ထိုအချိန်တွင် နတ်သစ်ပင်ကို မည်သည့်နေရာတွင်မှ ရှာမတွေ့ခဲ့ပေ။ ကမ္ဘာကြီး၏အရှေ့၌ စိမ်းလန်းသော မြင်ကွင်းတစ်ခုကိုသာ တွေ့ရသည်။ သစ်ရွက်တစ်ရွက်၏ အရွယ်အစားကပင် မခန့်မှန်းနိုင်လောက်အောင် ကြီးသည်။ အကိုင်းအခက်များနှင့် သစ်ရွက်အများအပြား ပေါင်းစပ်ထားပါက တစ်ခုချင်းစီကို မြင်နိုင်ရန်မဖြစ်နိုင်တော့ဘဲ အစိမ်းရောင်နံရံကြီးတစ်ခုအဖြစ်သာ မြင်ရပေသည်။
အကန့်အသတ်မရှိသော အသက်စွမ်းအင်များက ဝိညာဉ်ကမ္ဘာကို လွှမ်းခြုံထား၍ အားလုံးမှာ လန်းဆန်းပေါ့ပါးသလို ခံစားနေကြရသည်။
"အင်မော်တယ်စွမ်းအင်တွေများလား ..."လူတိုင်းသည် စိတ်လှုပ်ရှားနေကြရ၏။
"အဆုံးသတ်ဖို့ အချိန်တန်ပြီ"လီကွမ်ရီ၏အသံက ဝိညာဥ်ကမ္ဘာတစ်ခုလုံးသို့ ပဲ့တင်ထပ်သွားပြန်သည်။
ဝုန်း ... ဧရာမနဂါးကြီးများက ဝိညာဉ်ချောက်နက်၏ အနက်ရှိုင်းဆုံးနေရာအထိ ထိုးဖောက်ဝင်ရောက်သွားခဲ့၏။ ပြီးနောက် ဂိုဏ်း၏ခံစစ်အရံအတားများကို စတင်ဖျက်ဆီးသည်။ ပေါက်ကွဲသံ အဆက်မပြတ် ထွက်ပေါ်လာသည်။ နေရာတိုင်း၌ အမှောင်ထုက ဖုံးအုပ်သွားခဲ့၏။ ဤနဂါးများ၏အရှေ့၌ ခံစစ်အရံအတားများနှင့် ချိပ်စည်းတံဆိပ်များသည် အသုံးမဝင်တော့ချေ။
"ဒါတွေက နဂါးတွေမဟုတ်ဘူး"အနီးကပ်ကြည့်ရှုစစ်ဆေးလိုက်ချိန်၌ နဂါးအစစ်တွေ မဟုတ်ဘဲ နတ်သစ်ပင်၏ အကိုင်းအခက်များ ဖြစ်နေသည်ကို တွေ့လိုက်ကြရသည်။ သို့သော် ထိပ်တန်းအဆင့် ကျင့်ကြံသူများသာ အသေးစိတ်ကို မြင်နိုင်ကြသည်။
ဝှစ် ... အကိုင်းအခက်တစ်ခုက ဝိညာဥ်ချောက်နက်ဂိုဏ်း၏ အထက်ကောင်းကင်ယံ၌ လွင့်မျောနေသော ရှေ့ဟောင်းရတနာထံ တိုးဝင်သွားသည်။ ထိုရတနာသည် အစွမ်းထက်ပြီး ရှေးခေတ်လက်ရာတစ်ခုဖြစ်၏။ သို့သော် နတ်သစ်ပင်၏လက်မှ မလွတ်မြောက်နိုင်သေးပေ။ သစ်ကိုင်းက ရတနာကိုဖမ်းယူပြီး ဝိညာဥ်ချောက်နက်အတွင်းမှ ဆွဲထုတ်လိုက်သည်။
ESTÁS LEYENDO
စစ်ဧကရာဇ် လီကွမ်ရီ ( Book 2 ) ( Ch 991 - ) ခွင့်ပြုချက်ရပြီး
AventuraReview မဟုတ်တဲ့ reviewလေးပါ လက်ရှိကြိုက်မိတဲ့စာစဥ်လေးတစ်ခု လီကွမ်ရီ - စစ်ဧကရာဇ် လီကွမ်ရီဆိုတာ ဘဝဟောင်းက Immortal Demon Grotto၏ ဖမ်းဆီးခြင်းကိုခံရပြီး ကျီကန်းနက် ကိုယ်ခန္ဓာထဲတွင် နှစ်သန်းပေါင်းများစွာကြာအောင် ပိတ်လှောင်ခံခဲ့ရသူ မရေမတွက်နိုင်သောအန္တရ...
