စစ်ဧကရာဇ်(Chapter:1081)
(မိစ္ဆာနယ်မြေရဲ့ လျှို့ဝှက်ချက်)
...............................................
လီကွမ်ရီက မိုးကုတ်စက်ဝိုင်းထက် ငေးကြည့်နေခဲ့သည်။ အနည်းငယ်ကြာပြီးနောက်မှာမှ ဖြည်းဖြည်းချင်း ပြောသည်။
"ခေတ်တွေ တစ်ခုပြီးတစ်ခု ပြောင်းလဲလာခဲ့ပေမယ့် ဗုဒ္ဓကုန်းမြင့်က အခုထိ ငြိမ်သက်နေတုန်းပဲ"
"မင်းက အရာအားလုံးကို သိပုံရတယ် ..."မာရ်နတ်ဘုရင်က မေးသည်။
"ဗုဒ္ဓကုန်းမြင့်ရဲ့ အစီအစဉ်က ဘာလို့ ထင်သလဲ ..."
"မာရ်နတ်ဘုရင်၊ ငါ့ကို စမ်းသပ်နေတာလား ..."လီကွမ်ရီက ခေါင်းခါလိုက်သည်။
"ဗုဒ္ဓကုန်းမြင့်က ဘာလုပ်ချင်တာလဲ၊ ဒါမှမဟုတ် တိရှစ်က ဘာလုပ်ချင်နေတာလဲဆိုတာကို ငါသိတယ်၊ ကောင်းပြီ ... ဒီအကြောင်းတွေ သိချင်တယ်ဆိုရင် အလကားတော့ မရဘူး၊ အဲဒီအချိန်တုန်းက မိစ္ဆာနယ်မြေရဲ့သခင်ပြောခဲ့တဲ့ စကားတွေကို ပြန်ပြောပြပါ၊ ဒါဆို ဗုဒ္ဓကုန်းမြင့်ရဲ့ လျှို့ဝှက်ချက်ကို ပြန်ပြောပြမယ်"
"ဟမ်"မာရ်နတ်ဘုရင်က အေးတိအေးစက် ပြောသည်။
"မင်းက မဟူရာနန်းတော်ရဲ့ သော့ကိူ လိုချင်ရုံမကဘူး မိစ္ဆာနယ်မြေသခင်အကြောင်းကိုပါ ပြောပြခိုင်းနေတာလား ..."
"ပွင့်ပွင့်လင်းလင်း ပြောရရင် မိစ္ဆာနယ်မြေသခင်အကြောင်းကို သိပ်ပြီး စိတ်မ၀င်စားဘူး"လီကွမ်ရီက ဖြည်းညှင်းစွာ ပြောသည်။
"သူပြောခဲ့တဲ့ စကားအချို့ကိုပဲ ငါသိချင်တာပါ"
သူက မာရ်နတ်ဘုရင်ကို စူးစိုက်ကြည့်ရင်း ဆက်ပြောသည်။
"ငါအမှတ်မမှားဘူးဆိုရင် သူက မင်းကို လျှို့ဝှက်ချက်တစ်ခု ပြောပြခဲ့တယ်၊ အဲ့ဒီလျှိုဝှက်ချက်ကို အခြားအမှောင်လောကသားတွေ မသိကြဘူးလေ၊ ငါသိချင်တာက အဲ့ဒီတစ်ခုလေးပါပဲ"
လီကွမ်ရီရဲ့ စကားကို ကြားပြီးနောက်မှာတော့ မာရ်နတ်ဘုရင်ရဲ့ အကြည့် ပို၍ ကြောက်မက်ဖွယ် ကောင်းလာခဲ့သည်။ မိစ္ဆာစွမ်းအင်တွေကိုလည်း ပိုမိုပြင်းထန်စွာ ထုတ်လွတ်လာခဲ့သည်။ သူ့ရဲ့ စူးရဲတဲ့ အကြည့်တွေကလည်း လီကွမ်ရီထံ ကျဆင်းလာခဲ့တော့သည်။
YOU ARE READING
စစ်ဧကရာဇ် လီကွမ်ရီ ( Book 2 ) ( Ch 991 - ) ခွင့်ပြုချက်ရပြီး
AdventureReview မဟုတ်တဲ့ reviewလေးပါ လက်ရှိကြိုက်မိတဲ့စာစဥ်လေးတစ်ခု လီကွမ်ရီ - စစ်ဧကရာဇ် လီကွမ်ရီဆိုတာ ဘဝဟောင်းက Immortal Demon Grotto၏ ဖမ်းဆီးခြင်းကိုခံရပြီး ကျီကန်းနက် ကိုယ်ခန္ဓာထဲတွင် နှစ်သန်းပေါင်းများစွာကြာအောင် ပိတ်လှောင်ခံခဲ့ရသူ မရေမတွက်နိုင်သောအန္တရ...
