ဖိင်ချန်မှာရှိတဲ့လီအိမ်တော်မှာ လဝက်လောက်နေပြီးနောက်မှာတော့၊ မြို့တော်အပြန်လမ်းမှာ ဝေ့ရန်အတွက် အစေခံ၂ယောက်နှင့်အထိန်းတော်၂ယောက်ကိုထည့်ပေးလိုက်သည်။မြင်းလှည်းကတော့ အမတ်ချုပ်ကြီးလီအိမ်တော်ကပို့လွှတ်လိုက်ခြင်းပင်။ အရောင်စုံတဲ့ကျောက်မျက်တွေကခန်းဆီးစပေါ်မှာ အတူတကွစီခြယ်ပုံဖော်ထားပြီး ခမ်းနားထည်ဝါတဲ့ကြက်သွေးရောင်ပိုးထည်ပေါ်မှာစန္ဒပန်းကိုလက်ရာမြောက်စွာပုံဖော်ပန်းထိုးထားသည်။ ရိုးစင်းပြီးမထူးခြားတဲ့ အပြင်ဘက်ပုံစံနဲ့ယှဥ်ရင်တော့ မြင်းလှည်း၏ အတွင်းပိုင်းအပြင်အဆင်က ခမ်းနားပြီးကြီးကျယ်လွန်းလှသည်။
လီဝေ့ရန်ကတော့ တစ်ချက်မျှသာကြည့်ပြီး ထပ်မကြည့်တော့ပေ။ ဒီမြင်းလှည်းက ပထမသခင်မအတွက်မူ သူမကိုခြိမ်းခြောက်ချင်တဲ့ သာမန်အသုံးချခံတစ်ခုဆိုတာ သူမကသိသားပင်။
ဒါက အခုမှအစပဲရှိသေးတယ်လေ။
မြင်းလှည်းအတွင်းမှာ ပိုင်ကျီက သစ်နက်ဖြင့်လုပ်ထားသောစားပွဲပေါ်တွင် လက်ဖက်ရည်ပူပူလေးကိုဂရုတစိုက်ပြင်ဆင်ပေးနေသည်။ မျက်ဝန်းတွေကိုမှိတ်ထားရင်းအနားယူနေတဲ့လီဝေ့ရန်ကို သူမက အသာလေးချောင်းကြည့်မိသည်။ ဝေ့ရန်ကို သူမစကားစမြည်ပြောသင့်မသင့်ကို စိတ်ထဲကဗျာများနေမိသည်။ သူမရဲ့စိတ်ထဲတွင် တတိယသခင်မလေးကခရီးသွားလာရင် တစ်ယောက်တည်းသီးသန့်နေတတ်တဲ့ပုံစံမျိုးလို့ခံစားရတယ်။ တစ်ဖက်မှာထိုင်နေတဲ့ဇီယန်ကို ကြည့်လိုက်မိသည်။ ဇီယန်ဆီမှာလည်း သူမနဲ့ထပ်တူညီတဲ့အမူအရာကိုတွေ့တော့ သူမကပိုပြီးတောင် စိတ်ရူပ်ထွေးသွားရသည်။ သူမတို့၂ယောက်လုံးက ဖိင်ချန်လီအိမ်တော်ကနေ တတိယသခင်မလေးကို ဂရုစိုက်ဖို့စေလွှတ်လိုက်တာဆိုတော့ တတိယသခင်မလေးရဲ့စိတ်နေစိတ်ထားကို သေချာမသိတာကြောင့် သူမတို့၏ ပါးစပ်ကိုတောင်မဟရဲဘူးဖြစ်နေကြသည်။
လီဝေ့ရန်က မျက်လုံးတွေကိုအသာလေး မှိတ်ထားပြီး သူမကအမတ်ချုပ်ကြီးလီအိမ်တော်ကို ရောက်ခဲ့တဲ့မှတ်ဥာဏ်တွေကို ပြန်စဥ်းစားနေမိသည်။ သူမက အမတ်ချုပ်ကြီးလီအိမ်တော်ဆီကိုခြေချခဲ့တုန်းက ပထမသခင်မက သူမကိုခေါင်းစခြေဆုံးအကဲခတ်ရင်း...
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...