လီမင်ဖန်သည် သူ၏အကြံကိုအစီအစဥ်ချပြီးသားပင်ဖြစ်သည်။ သေချာပေါက် ဇီယန်သည် လီဝေ့ရန်၏အဆောင်တွင်း၌ သူပြင်ဆင်ပေးခဲ့သော ရွှေနှင့်ဂျင်ဆင်းနီ အကြွင်းအကျန်များကို နေရာချထားမည်ကို သူသိပြီးသားပင်။ သူတို့ကသာ ရှာတွေ့လိုက်မယ်ဆိုရင် ဝေ့ရန်ကဘာပြောပြော အသုံး၀င်မှာမဟုတ်တော့ဘူး။
သူမကို ဒီလိုနည်းလမ်းနဲ့ဆက်ဆံတာက ရက်စက်တယ်ဆိုပေမယ့် ဘယ်သူက သူမကို သခင်မကြီးရဲ့နှလုံးသားမှာ အရေးပါတဲ့နေရာကိုတွယ်တက်ဖို့ပြောလဲ။ ဘယ်သူက သူမကိုအရမ်းနာခံလိမ်မာပြရမယ်လို့ ပြောထားလို့လဲ။ လီမင်ဖန်၏ နှလုံးသားထဲတွင် သူ့၏မွေးမိခင်နှင့် သူ၏ တရားဝင်ညီမဖြစ်သော လီချန်းလဲ့ကိုသာ လူအဖြစ်သတ်မှတ်ပြီး သူ၏အခြားသွေးတစ်ဝက်ရောသော မောင်နှမများသည် ပုရွက်ဆိတ်သာသာပင်ဖြစ်သည်။ ဒီပုရွက်ဆိတ်က သူတို့၏အာဏာကို ခြိမ်းခြောက်ဝံ့နေမှတော့ သေချာပေါက် တန်ဖိုးပြန်ပေးဆပ်ရမည်ပင်။ လီဝေ့ရန်၊ မင်းမသေခဲ့ရင်တောင်မှ လီမိသားစုဆီကမင်းနှင်ထုတ်ခံရလိမ့်မယ်။
လီရှောင်ရန်သည် မျက်မှောင်ကြုတ်လိုက်မိသည်။ ဝေ့ရန်သည် ကိုယ်လုပ်တော်၏သမီးဖြစ်ရုံသာမက သူမကအလွန်ကံဆိုးလွန်းသည်။ သူမသာ သခင်မကြီးရဲ့ပစ္စည်းတွေကို တကယ်သာခိုးခဲ့ရင်သူတို့ကဒါကို ကိုယ်တိုင်ကိုယ်ကျ ဖြေရှင်းရတော့မယ်။ သူက တွေးနေရင်းနဲ့ လက်ဖက်ရည်သောက်ဖို့ ခေါင်းကိုငုံ့လိုက်ပြီး လီမင်ဖန်ကို ဆက်ပြောဖို့ခွင့်ပြုလိုက်သည်။
ထိုအချိန်တွင် တတိယသခင်မတစ်ဦးတည်းသာ နွေးထွေးစွာပြောကြားသည်မှာ
"ဝေ့ရန်က အပြစ်ကင်းတယ်လို့ ကျွန်မယုံကြည်တယ်။ သူမလေးက ဒီလိုလူမျိုးမဟုတ်ပါဘူး"
လီဝေ့ရန်က တည်ငြိမ်နေသောတတိယသခင်မဘက်သို့ ခေါင်းလှည့်လာပြီးပြုံးလိုက်သည်။
"ကျေးဇူးတင်ပါတယ် တတိယဒေါ်ဒေါ်ရယ်။ ပြောရတာ ရှက်ဖွယ်ဖြစ်ပေမယ့် ဒေါ်ဒေါ် တစ်ယောက်တည်းကသာ သမီးကိုယုံကြည်ပေးတယ်။ ဖေဖေနဲ့မေမေ၊ ၂ယောက်လုံးက သမီးမှားတယ်လို့ထင်နေကြတယ်"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...