တကယ်တော့ လီဝေ့ရန်မေးတဲ့ မေးခွန်းတိုင်းက ထောင်ချောက်တစ်ခုပဲ။ သူသာ တစ်ခုဖြေလိုက်ရင် လီဝေ့ရန်က သူ့အဖြေကိုအသုံးချပြီး ကျန်မေးခွန်း၂ခုကို ဖြေရှင်းနိုင်လိမ့်မည်။ ပထမဦးစွာ လီဝေ့ရန်သည် ကျောင်းမိသားစုက ဒီလုပ်ကြံသတ်ဖြတ်မှုတွင် ပါဝင်ခဲ့သည်ဟု ယုံကြည်နေသည်။ ဒုတိယအနေနှင့်၊ ဤသည်မှာ ထော့ပါယွိနှင့်ထော့ပါယုတို့ကိုချောက်ချဆန့်ကျင်သည့်အစီအမံဖြစ်ကြောင်း သူမ သိထားပြီးဖြစ်သည်။ ပထမမေးခွန်းကိုသာ သူဖြေလျှင် ကျောင်းမိသားစုနှင့် ထော့ပါကျန်းတို့အကြားကကတိကဝတ်ကို ထုတ်ဖော်ပြသခြင်းနှင့် ကွာခြားမည်မဟုတ်တော့ပေ။ လီဝေ့ရန်သည် အလိုလျောက် အဖြေတစ်ခုရရှိနေပြီးဖြစ်သည်။ သူမသည် သူ့ကို အတည်ပြုရန်သာ အလိုရှိနေတာပဲ။
ဒုတိယမေးခွန်းကိုတော့ သူ မဖြေနိုင်ဘူး။ သူသာဖြေမိရင် ပဉ္စမမင်းသားကို လီဝေ့ရန်ရဲ့လက်ထဲမှာ ထည့်ထားသလိုဖြစ်ရလိမ့်မယ်။ လီဝေ့ရန်သည် သူမ၏ သံသယများကိုအတည်မပြုနိုင်ဘဲ ကျောင်းမိသားစု၏လုပ်ရပ်များကို ကောင်းစွာဆုပ်ကိုင်နိုင်တာမျိုး သူအဖြစ်မခံနိုင်။ ကျောင်းမိသားစုလက်ထဲမှာ တစ်ခုခုရှိနေတာကို ရှင်ဘုရင်သိသွားခဲ့ရင် ပဉ္စမမင်းသားကရုတ်တရက် မိုက်မဲစွာပြုမူလာခဲ့မှာမဟုတ်ဘူးလို့ သံသယရှိသွားလိမ့်မယ်။ တတိယမေးခွန်းကျတော့ ကျောင်းမိသားစု၏နောက်ထပ်လှုပ်ရှားမှုနှင့်ဆက်စပ်နေသောကြောင့် ဒါကိုသူလုံးဝမဖြေနိုင်ဘူး။ အဲဒါကို ထုတ်ဖော်လိုက်မိတာနဲ့ သူ့အနေနဲ့ ရှေ့ဆက်ဖို့နည်းလမ်းမရှိတော့ဘူး။
ကျောင်းဟွာသည် သူ့လက်ထဲတွင် စစ်တုရင်နယ်ရုပ်ကို ဆုပ်ကိုင်လိုက်သည်။ ကျောင်းဟွမ်နှင့် ကျောင်းထျန်တို့သည် သူမလက်ထဲတွင်ရှိနေသည်ဖြစ်စေ၊ သေသည်ဖြစ်စေ၊ ရှင်သည်ဖြစ်စေ သူတို့အား လီဝေ့ရန်ကလွှဲပြောင်းပေးအပ်လာရန် ဘယ်သို့အတင်းအကြပ်လုပ်ရမလဲဆိုတာကို သူအသည်းအသန် သိလိုနေသည်။
ဒါက ကြောက်စရာကောင်းတဲ့ ကိုယ့်ကိုယ်ကိုညှဉ်းပန်းနှိပ်စက်တဲ့ ပုံစံမျိုးပဲ။ ကျောင်းဟွာက ဒီအကြောင်းကို ဆက်တွေးနေပြီး သူ့အတွေးတွေကို ပြန်သုံးသပ်ကြည့်နေတယ်။ သူ စိတ်တည်ငြိမ်အောင် အတတ်နိုင်ဆုံးကြိုးစားပေမယ့် ဘယ်မေးခွန်းကို ဖြေရမလဲ၊ သူ့ပြိုင်ဘက်ကို ဘယ်လို လှည့်စားနိုင်မလဲဆိုတာကိုသာတွေးနေမိတယ်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...