ယခင်အမတ်ချုပ်ကြီးလီချန်းရှန်သည် သူ၏ အသက်လတ်ပိုင်းတွင်ကွယ်လွန်ခဲ့သဖြင့် သူ၏ ဇနီးဖြစ်သူမန်ရှီသည် အလွန်စိတ်သောကရောက်ခဲ့ရသည်။ သူမ၏စိတ်တည်ငြိမ်အေးချမ်းစေရန်အတွက် ပင်မအိမ်တော်ဝင်းမှထွက်ခွာပြီး ခြံဝင်းငယ်ဆီသို့ပြောင်းရွှေ့နေထိုင်ခဲ့သည်။ သူမအနေနှင့် ပင်မအိမ်တော်ဝင်းသည် သူမ၏ခင်ပွန်းကိုသတိရစေသောကြောင့် ပင်မအိမ်တော်နှင့်အဝေးဆုံးဖြစ်သည့်ဟယ်ရှင်းယွမ်အဆောင်ဆီသို့ပြောင်းနေရန်ဆုံးဖြတ်ခဲ့ခြင်းပင်။ ဟယ်ရှင်းယွမ်အဆောင်သည် အလွန်သီးသန့်ဖြစ်သောကြောင့် သူမသည်အိမ်တော်၏ကိစ္စဝိစ္စအဝဝကို သိပ်မေးခွန်းထုတ်ဝင်မပါပေ။
ထိုဖခင်ဘက်မှ အဘွားဖြစ်သူမန်ရှီသည် အတော်လေးနှုတ်ဆိတ်ပြီး စကားနည်းသော အမျိုးသမီးကြီးတစ်ဦးဖြစ်သည်။ သူမသည် အခြားသူများနှင့်ပေါင်းသင်းဆက်ဆံလေ့သိပ်မရှိ။ မည်သို့ပင်ဆိုစေကာမူ သူမက တရားမျှတပြီး ကိစ္စတွေကိုကိုင်တွယ်ပုံမှာရိုးရှင်းသည်။ သူမသည် မည်သူတစ်ဦးတစ်ယောက်ကိုမှ မတရားစွပ်စွဲခြင်းသို့မဟုတ်နှိပ်စက်ခြင်းမပြုခဲ့ပေ။ ဤအကြောင်းကြောင့် လီဝေ့ရန်သည်သူမအပေါ်ကောင်းသောခံစားချက်များကို အမြဲသိမ်းထားခဲ့သည်။ ကံမကောင်းစွာဖြင့် ယခင်ဘဝတွင် သခင်မကြီး၏ကျန်းမာရေးသည် ဆိုးဝါးခဲ့ပြီး လီဝေ့ရန်ဧကရီမဖြစ်ခင် အချိန်အတော်ကြာတည်းကပင် ကွယ်လွန်သွားခဲ့သည်။
အခန်းထဲတွင် မန်ရှီသည် အလယ်၌ထိုင်ပြီး ကောင်းချီးငါးဖြာကိုခြယ်လှယ်ထားသော စိမ်းပြာရောင်ပိုးထည်ကို၀တ်ဆင်ထားသည်။ သူမ၏ခေါင်းပေါ်တွင် အလယ်မှာကျောက်စိမ်းပါတဲ့မြွေပါသားမွှေးခေါင်းဆောင်းတစ်ခုရှိနေတယ်။ လီဝေ့ရန်၏ ကျက်သရေရှိသောအနေအထိုင်လှုပ်ရှားမှုများကိုကြည့်ကာ သူမကခေါင်းကို ငြင်သာစွာငြိမ့်လိုက်ရင်း
"မင်းပြန်လာတာ သိပ်ကောင်းတယ်"
အကြောင်းတစ်စုံတစ်ရာကြောင့် ဤစကားကြားရသောအခါ လီဝေ့ရန်၏မျက်ဝန်းများက နီရဲလာသည်။ လူတိုင်းကဒါကိုမြင်ပြီး ရုတ်တရက် ပြင်းထန်တဲ့ ခံစားချက်တွေခံစားလိုက်ရသည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...