ဖန်းတိကျန်းသည် ဖန်းမိသားစုမှ စာပေပညာတော်သင် ကျုံးကျိထျန်၏သမီးဖြစ်သည်။ သူမထံတွင်မိသားစု၏ ကိုယ်လုပ်တော်မှဖွားလာသော မောင်ငယ်လေးတစ်ဦးသာရှိသည်။ သူမသည် စွဲဆောင်မှုရှိသောအလှတရားနှင့် မြင့်မြတ်သောအနွယ်တော်ဝင်ဇာစ်မြစ်ကြောင့် ကျော်ကြားပြီး ဖန်းမိသားစုကို ရှင်ဘုရင်က ကောင်းမွန်စွာဆက်ဆံခဲ့သဖြင့် သူမသည်ဇိမ်ခံနေထိုင်ခဲ့ရသည်။ ကျောင်းယွိလန်သည် ဖန်းသခင်မလေး၏နူးညံ့ပြီးနှစ်သက်ဖွယ်ကောင်းသော ဖရဲသီးပုံသဏ္ဍာန်ရှိသော မျက်နှာ၊ သွယ်လျပြီးနူးညံ့သော မျက်ခုံးများ၊ သွယ်တန်းနေသော ဇာမဏီမျက်လုံးနှင့် ချယ်ရီပန်းဖူးလို နှုတ်ခမ်းသေးသေးလေးတို့ကို မှတ်မိနေသေးသည်။ သူမသည် အခြားသူများကို မြင်သောအခါတွင် အခြားသူများက သူမအားပီတိဖြစ်စေရလောက်သော အပြုံးတစ်ခုကိုပြုံးနိုင်သူဖြစ်သည်။
ဖန်းမိသားစုတွင် ဤတရားဝင်သမီးလေးတစ်ယောက်သာရှိသောကြောင့် သူမသည် အလွန်အလိုလိုက်ခံထားရပြီး သူမကို ငွေကြေးအမြောက်အမြားသုံးစွဲခွင့်ပေးထားခဲ့ကြသည်။ နှစ်စဉ်နှစ်တိုင်း နွေရာသီအပူဒဏ်ကို တစ်လခွဲကြာရှောင်ထွက်ပြီး ခရီးသွားလာတိုင်း ပိုးထည်နှင့် ဖဲသေတ္တာ၁၀လုံးကို ယူဆောင်လာလေ့ရှိသည်။ ထိုအဖြစ်အပျက်က ၈နှစ်ကြာခဲ့ပြီဖြစ်ပြီး ထိုအချိန်တွင် ကျောင်းယွိလန်သည် အသက်၁၁နှစ်သာရှိသေး၍ သူမ၏မိခင်ထံ လာရောက်လည်ပတ်တတ်သော ဖန်းတိကျန်းကို သဘောကျခဲ့မိသည်။ ဖန်းသခင်မလေး၏မိသားစုသည် လက်ထပ်ရန်စီစဉ်ပေးခဲ့ပြီး သူမအား ဖုန်းကျောင်းသံအမတ်ကြီး၏သားဖြင့် လက်ဆက်စေရန် အပ်နှင်းခဲ့ကြသည်။ သူတို့ နှစ်ယောက် ငယ်ရွယ်စဥ်ကတည်းက ဒီလို စီစဉ်စေ့စပ်ပေးထားခဲ့တာဖြစ်ပြီး ဒါက တန်းတူညီမျှလူမှုအဆင့်အတန်းညီတဲ့လက်ထပ်ပွဲ ဖြစ်ခဲ့တယ်။ ဤသခင်လေးသည် ရုပ်ရည်ချောမောပြီး အရပ်ရှည်ကာ ယဉ်ကျေးသိမ်မွေ့ခြင်းနှင့်ကိုယ်ခံပညာနှစ်ခုစလုံးကို ကျွမ်းကျင်တတ်မြောက်သူဖြစ်သည်။ ဒါက အံ့ဩစရာကောင်းတဲ့ မိသားစုဂုဏ်တိုးသည့်ကိစ္စတစ်ခုဖြစ်လာမယ်ဆိုပေမယ့် ဖန်းမိသားစုက ဖန်းသခင်မလေးရဲ့မောင်ငယ်အတွက် ဆရာတစ်ဦးကို ဖိတ်ခေါ်လိုက်ပြီးနောက်မှာ ပြဿနာတွေဖြစ်လာခဲ့မယ်ဆိုတာကို ဘယ်သူသိမှာလဲ? ဖန်းသခင်မလေးသည် အသိအမှတ်ပြုမခံရသော ထို အရည်အချင်းရှိသည့် လူငယ်ပညာတော်သင်လေးကို အမှန်တကယ် ချစ်မြတ်နိုးမိသွားခဲ့သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...