ပထမသခင်မ၏စကားကိုကြားပြီးနောက် လီချန်းလဲ့၏အကြည့်သည် ရုတ်ချည်းပင်ပြောင်းလဲသွားသည်။ သူမကခေါင်းကိုလှည့်ပြီးနောက် ရှုပ်ထွေးသောအမူအရာဖြင့် လီရှောင်ရန်ကိုတစ်ချက်ကြည့်လိုက်ပြီးနောက် နူးနူးညံ့ညံ့လေးနဲ့
"ဒီသမီး နားလည်သဘောပေါက်ပါပြီ"
သူမအနေနှင့် ဆုံးဖြတ်ချက်တစ်စုံတစ်ခုကိုချလိုက်ကဲ့သို့ လီရှောင်ရန်၏ရှေ့သို့တစ်လှမ်းချင်းလျှောက်သွားပြီးနူးညံ့စွာဒူးထောက်ထိုင်ချလိုက်သည်။
"ဒီသမီးငယ်စဉ်ကတည်းကရရှိခဲ့တဲ့ချစ်ခြင်းမေတ္တာတွေနဲ့ဂရုစိုက်မှုတွေအတွက် ဖေဖေ့ကိုကျေးဇူးအများကြီးတင်ပါတယ်။ အခုချိန်ကစပြီးမိဘတွေကိုစိတ်ချမ်းသာအောင် သားသမီးဝတ္တရားမကျေပွန်နိုင်တော့တဲ့အတွက် ဖေဖေကျေးဇူးပြုပြီးဂရုစိုက်နေရစ်ပါ"
လီရှောင်ရန်သည် သူမကိုစိတ်ရှုပ်ထွေးသောခံစားချက်ဖြင့်ကြည့်လိုက်သည်။ နောက်ဆုံးတွင်တော့ သူသည်သက်ပြင်းချလိုက်ကာ သူ၏လက်ကိုဝှေ့ယမ်းလိုက်ပြီး " ထွက်သွားတော့" ဟုပြောလိုက်သည်။
ဒီလိုမရိုမသေလုပ်ရပ်ကိုသာ အကယ်၍အပြစ်မပေးဘဲနေလျှင် ဒါကတစ်ချိန်မှာလီမိသားစုကို ဘာမှန်းမသိလိုက်နိုင်ပဲ ဒုက္ခရောက်သွားစေနိုင်သည်။
လီချန်းလဲ့သည်မတ်တပ်ထကာ လီဝေ့ရန်အားအဝေးမှလှမ်းကြည့်လိုက်သည်။ ထိုလှပသောမျက်ဝန်းများတွင် တွေ့ရန်ခက်ခဲသော လှောင်ပြောင်သရော်အကြည့်တစ်ခုကို ဖျတ်ခနဲမြင်လိုက်ရသည်ပင်။
ထို့နောက်သူမကခေါင်းကိုမော့ကာအမြန်ပြေးထွက်သွားသည်။ ရုတ်တရက်ပင်မမျှော်လင့်ထားသောအဖြစ်အပျက်တစ်ခုက တစ်ခဏချင်းတွင်ဖြစ်ပျက်သွားသည်။
ပင်မခန်းမဆောင်ရဲ့အလယ်ဗဟိုကိုရောက်သည့်အချိန်တွင် လီချန်းလဲ့ကရုတ်တရက်ရပ်တန့်သွားပြီးနောက်ပြန်ကြည့်လိုက်ကာ
"ဒီသမီးမလုပ်ဖူးတဲ့အရာတွေအတွက် သမီးကဘယ်တော့မှဝန်ခံမှာမဟုတ်ဘူး။ သမီးရဲ့နာမည်ကိုဆိုးကိုရှင်းလင်းပစ်တဲ့အနေနဲ့ သမီးကသေပဲသေပစ်လိုက်တော့မယ်!"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...