“စတုတ္ထအချက်ကတော့ အခွန်လျှော့ပေါ့ဖို့ပါ။ ဒုက္ခသည်များအားလုံးကို ၃နှစ်အခွန်ကင်းလွတ်ခွင့်ကြေငြာပေးဖို့ ဒေသတစ်ခုစီတိုင်းကို သတင်းပို့သူကိုစေလွှတ်လိုက်မယ်ဆိုရင် ပြည်သူတွေက ဧကရာဇ်ရဲ့ကြင်နာမှုကို ကျေးဇူးတင်ဖို့သတိရနေပါလိမ့်မယ်။ တို့တွေ ဒါကိုလုပ်တယ်ဆိုတာ အဓိကက အခွန်တွေလျှော့တဲ့အချက်မဟုတ်ပဲ တို့တွေက လူတွေကို ဂရုစိုက်ကြောင်းပြဖို့ဘဲ။ ပဉ္စမအချက်အနေနဲ့ကတော့အရန်သင့်စပါးကျီတွေကို စီစဉ်ထားဖို့ပါ။ ဒီကပ်ကြီးပြီးသွားချိန်ဆို သီးနှံဈေးများကျဆင်းသွားရင် တို့တွေက အနာဂတ်ကပ်ဘေးအတွက် ကြိုတင်ပြင်ဆင်ဖို့ လယ်သမားတွေဆီကနေ သီးနှံရိက္ခါတွေကို ၀ယ်ယူသိုလှောင်ထားရမယ်။ သီးနှံတွေ စျေးနှုန်းပြန်မြင့်တက်လာရင် တို့တွေဝယ်ခဲ့တဲ့ သီးနှံတွေကို စျေးနှုန်းသက်သက်သာသာနဲ့ ပြန်ရောင်းနိုင်မှာပဲ။ အဲ့ဒီသီးနှံတွေကို အနာဂတ်မှာကပ်ဘေးဒဏ်ခံရတဲ့ဒေသတွေရှိလာရင်လည်း အသုံးပြုနိုင်မယ်ဆိုတော့ ဒါကတစ်ကြိမ်တည်းနဲ့ အားလုံးအတွက် ကောင်းမွန်တဲ့နည်းဗျူဟာတစ်ခုပဲ"
လူတိုင်းက နားထောင်ပြီးနောက် အံ့သြသွားကြသဖြင့် တစ်ယောက်ကို တစ်ယောက်တောင် စကားမပြောနိုင်ဖြစ်သွားကြသည်။ ထော့ပါကျန်းက အလွန်လက်ခုပ်သြဘာပေးပြီး
“ကောင်းတယ်! ကောင်းလိုက်တာ! ဒါက အံ့သြစရာပဲ!”
လီချန်းလဲ့၏အမူအရာသည် သာမန်ဖြစ်နေပုံရှိနေသော်လည်း သူမ၏လှပသောမျက်ဝန်းတစ်စုံတွင်ဒေါသနှင့်အမုန်းတရားတို့က ထွက်ပါ်လာသည်။ လီဝေ့ရန်က ဤကဲ့သို့သောအစီအစဉ်ကို တွေးနိုင်ခဲ့ဟု သူမကမယုံကြည်နိုင်ဖြစ်ရသည်။ အရေးကြီးဆုံးအပိုင်းမှာမူ ထိုအစီအစဉ်သည် အလွန်ကျိုးကြောင်းညီညွတ်သည်ကိုတော့ သူမက၀န်ခံရမည်ပင်။ သူမကမယုံကြည်နိုင်ဘူး။ ဘာပဲဖြစ်ဖြစ် သူမကမယုံကြည်နိုင်ဘူး။
“ဒီအဆင့်၅ဆင့် သဘာဝဘေးအန္တရာယ်ကယ်ဆယ်ရေးမူဝါဒက အချို့နေရာတွေမှာလိုအပ်ချက်ရှိနေပေမယ့်လည်း ဒါကအလွန်ကောင်းမွန်တဲ့ စိတ်ကူးတစ်ခုပဲ”
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...