ကြင်ရာတော်လျန်၏သိသာထင်ရှားသောအမူအရာသည် နားမလည်နိုင်သောရန်ငြှိုးကို ပြသနေသည်။ သူမသည် ကျောင်းမျိုးနွယ်များကို လုံးဝရွံရှာသည်! ဒါအမှန်ပဲ! သူမသည် မုရုံမျိုးနွယ်များ၏ တကယ့်မိဘမဲ့ဖြစ်ပြီး ထိုအချိန်က အသက်ရှင်ကျန်ရစ်ခဲ့သည့်နောက်ဆုံးသော မုရုံမင်းသမီးလေးဖြစ်သည်။ လွန်ခဲ့သည့်၂နှစ်က တာ့လီဧကရာဇ်သည် ဟဲ့ချီနယ်နိမိတ်ငယ်လေးကို အနိုင်ယူနှိမ်နင်းရန် ရည်ရွယ်ခဲ့သည်။ မုရုံမျိုးနွယ်တွေက တန်ခိုးကြီးမားပြီး ကြီးပွားချမ်းသာတဲ့ တာ့လီပြည်ကို သူတို့မခုခံနိုင်ဘူးဆိုတာကို သိထားပြီး အကျိုးဆက်အနေနဲ့ စစ်သူကြီး ကျောင်းနန်ကို သူတို့ရဲ့လက်နက်ချသည့်စာကို ပေးလိုက်တယ်။ တာ့လီပြည်အတွက်၊ ဟဲ့ချီနယ်မြေကိုနှိမ်နင်းရန် စစ်သည်တစ်ဦးကိုပင် အသုံးပြုရန် မလိုအပ်ခဲ့သောကြောင့် ဧကရာဇ်သည် ဝမ်းမြောက်ဝမ်းသာဖြစ်မည်မှာ သေချာသည်။ သို့သော် ကျောင်းနန်အတွက်၊ ဤသည်မှာ သူ၏စစ်မှုရေးရာဘ၀ကို ထူထောင်ရန် အခွင့်ကောင်းတစ်ခုဖြစ်သည်။ သူသည် စစ်တပ်ကို ဦးစီးပြီးမြို့တော်ကထွက်ခွာလာပြီဖြစ်သည်။ အကယ်၍ သူသည် ဤသွေးထွက်သံယိုတိုက်ပွဲတွင် မုရုံတို့ကို အောင်နိုင်လျှင် အောင်မြင်ပြီး အသိအမှတ်ပြုမှု ခံရနိုင်သည်။ သို့သော် မုရုံတွေသည် ဤကဲ့သို့ လက်နက်ချခဲ့မည်ဆိုလျှင် သူတို့၏လက်နက်ချရခြင်း၏ နောက်ကွယ်အကြောင်းသည် အထင်ကြီးလောက်သော စစ်သူကြီးကျောင်းနန်ကြောင့် မဟုတ်ဘဲ တာ့လီဧကရာဇ်၏ကြီးမားသော အခွင့်အာဏာဘုန်းတန်ခိုးကြောင့်သာဖြစ်ရလိမ့်မည်။
ထို့ကြောင့် ငယ်ရွယ်ပြီးဂုဏ်မောက်နေသော ကျောင်းနန်သည် ဤအရာကို လူတိုင်းထံမှ ကွယ်ဝှက်ထားပြီး သံအမတ်ကိုသတ်ပစ်ကာ လက်နက်ချသည့်စာကို ဖျက်ဆီးပစ်လိုက်သည်။ သူသည် အနည်းငယ်တောင် မဆိုင်းမတွဘဲ မူရုံ၏မြို့တံခါးများကို ဖြတ်ကျော်ကာ အားလုံးကို သိမ်းပိုက်ခဲ့သည်။ ဒါကိုပင်ပင် မလုံလောက်ဘဲ မုရုံမျိုးနွယ်တော်ဝင်မိသားစုကို သုံ့ပန်းများအဖြစ် မြို့တော်သို့ခေါ်ဆောင်လာသည်ဟု လူတိုင်းအား ပြောစေသည်။ မုရုံမျိုးနွယ်များက သေခြင်းမှ လွတ်မြောက်သွားပြီဟု တွေးကာ ရန်ဖြင့်တုံ့နှင်းခြင်းမပြုကြပေ။ ထိုအချိန်က ကြင်ရာတော်လျန်ဖြစ်သော နန်ယွိလျန်... မဟုတ်သေးဘူး၊ သူမက ထိုအချိန်က မုရုံရှင်းဖြစ်ပြီး ပြန်ပို့ခံရတဲ့အကျဉ်းသားတွေထဲမှာ ပါ၀င်ခဲ့တယ်။ သေချာတာကတော့ သူမတစ်ယောက်တည်းတင်မကပါဘူး။ ပြန်ပို့ခံရသူတွေမှာ ဧကရာဇ်မင်း၊ မောင်းမမိဿံတွေ၊ မင်းသားတွေ၊ မင်းသမီးတွေ၊ မင်းမျိုးမင်းနွယ်တွေနဲ့ မှူးမတ်မျိုးနွယ်တွေ ပါ၀င်တယ်။ သူတို့၏အနောက်တွင် မုရုံမျိုးနွယ်များ၏ ရာစုနှစ်များစွာသက်တမ်းရှိ အဖိုးတန်ရတနာများပါရှိလာသည်။ တာ့လီစစ်တပ်က ရလဒ်ကောင်းများနှင့်အတူ အိမ်တော််ရာသို့ ပြန်လာကြသည်။ ကြောက်စရာအကောင်းဆုံးမှာ ညဘက်တွင် အနားယူရန် တဲများဆောက်ပြီးနောက် မုရုံရှင်းသည် စစ်သည်များ၏အရိုင်းဆန်သောရယ်မောသံများနှင့် စစ်ပြည့်တန်ဆာသဖွယ်သေဆုံးသွားရသော မိန်းမပျိုလေးများ၏အော်ဟစ်သံများကို အဝေးကနေကြားနေရခြင်းပင်။ ဒီစစ်သည်တွေက မြင့်မြတ်သောမိန်းမပျိုတွေကို ဖျက်လိုဖျက်ဆီးလုပ်နေကြတယ်ဆိုတာကို သူမသိတယ်။ အဲဒီအချိန်တွေမှာဆို သူမနဲ့ သူမရဲ့ညီအစ်မတွေ အချင်းချင်း တုန်ရင်ပြီး တစ်ယောက်ကိုတစ်ယောက်ပွေ့ဖက်ထားကြတယ်။ သူတို့ရဲ့ အဆင့်အတန်းက တော်တော့်ကို ဂုဏ်သိက္ခာရှိတဲ့အတွက် အဲဒီစစ်သည်တွေက စစ်သူကြီးရဲ့အမိန့်အရ သူမတို့ကိုမထိဘူး။ ထို့ကြောင့် မုရုံရှင်းသည် ကံကောင်းစွာဖြင့် လွတ်မြောက်ခဲ့ရသည်။ ကံမကောင်းစွာပဲ သူမ၏စတုတ္ထညီမလေးဖြစ်သူ မုရုံဟွားသည် စစ်သည်များ၏ မတော်တဆအဓမ္မပြုကျင့်ခြင်းကိုခံခဲ့ရပြီး မုရုံရှင်းက ဒါကို မျက်မြင်တွေ့ခဲ့ရသည်။ သူတို့က သူမကိုရှာတွေ့တော့ သူမသည် သေဆုံးသွားပြီဖြစ်သော်လည်း မျက်လုံးများပွင့်နေကာ ကြောက်ရွံ့မှုများ၊ နာကျင်ခြင်း နှင့် စိတ်ပျက်အားငယ်ခြင်းများနှင့် ပြည့်နှက်နေခဲ့သည်။ သူမ၏ ခန္ဓာကိုယ်သည် အဝတ်မဲ့ကာ စိမ်းညို့သောအနာများနှင့် ဒဏ်ရာများရှိနေသည်။ ထင်ရှားသည့်အတိုင်း၊ ဤမြင့်မြတ်တော်ဝင်သော မင်းသမီးလေးက ဘယ်လိုမျိုး ဖြတ်သန်းခဲ့ရသလဲဆိုတာကို စိတ်ကူးကြည့်ဖို့ လွယ်ကူလှသည်။ မုရုံရှင်းသည် ဤအရာကို ပြန်သတိရမိတိုင်း သည်းမခံနိုင်သော ရန်ငြိုးများက နှလုံးသား၏အောက်ခြေမှ တက်လာသောကြောင့် သူမကိုအိပ်မပျော်သောညများနှင့် အဆုံးမရှိသောအိပ်မက်ဆိုးများကို ဖြစ်ပေါ်စေသည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...