လီဝေ့ရန်သည် ကျယ်လောင်စွာ ရယ်မောမိလုမတတ်ပင်။ ဒီနည်းလမ်းက သိပ်ကပျက်ကချော်နိုင်လွန်းတယ်။ သူမက နှုတ်ခမ်းကို အုပ်ကာ တိုးတိုးလေးပြောသည်မှာ
"ကျောက်ယွဲ့၊ မင်းက ငါ့ကို ဒီနေရာမှာ ဘာတွေ့စေချင်နေတာလဲ!"
ကျောက်ယွဲ့က ဝမ်းနည်းပူဆွေးနေသလိုဖြင့်
"မမလေးသာ ဒီပွဲကောင်းကို မကြည့်လိုက်ရရင် နှမြောစရာကောင်းမယ်လို့ ဒီအစေခံက ခံစားမိလို့ပါ"
"မင်း...."
လီဝေ့ရန်က ခေါင်းခါယမ်းလိုက်မိသည်။
အဲဒီနေရာမှာ နဝမမင်းသမီးလေးက သူမတို့တွေကြည့်နေတာကို သတိမထားမိဘဲ လီမင်တိရဲ့လက်မောင်းကို လှမ်းဆွဲလိုက်ပြီး
"တို့ ခေါင်းအရမ်းမူးနေတယ်"ဟုဆိုသည်။
နဝမမင်းသမီးလေးရဲ့အခြွေအရံတွေကလည်း ဘယ်သွားနေကြမှန်းမသိဘူး။
လီမင်တိက သူမကို ညင်သာစွာကြည့်ကာ
"နဝမမင်းသမီးက နေကောင်းသားပဲ။ ဒါပေမယ့် ဒီမှာက လူတွေအုံနေလို့နေမှာပါ"
နဝမမင်းသမီးလေးက အထပ်ထပ်အခါခါခေါင်းညိတ်ပြနေသည်။ သူမလေးသည် သူ့ကိုစိုက်ကြည့်ရင်း အတွေးတစ်ချို့ကို တွေးနေမိသည်။
လီမင်တိက သူမလေးကိုကူညီထူပေးပြီး ရေဓာတ်ဖြည့်ဆေးထည့်ထားတဲ့ ပုလင်းသေးသေးလေး ပေးကာ
"မင်းဒါကိုသောက်ပြီးတာနဲ့ ခေါင်းမူးနေတော့မှာ မဟုတ်ဘူး" လို့ ပြောလိုက်တယ်။
လီဝေ့ရန်သည် ထိုအရာအားလုံးကို မမျှော်လင့်ထားသောကြောင့် အံ့အားသင့်သွားရသည်။ သူတို့နှစ်ယောက်က ဘယ်အချိန်က လိုက်လျောညီထွေပုလဲနံသင့်နေကြမှန်း သူမ မသိရပါလား။ နဝမမင်းသမီးလေးက ပျော့ညံ့ဟန်ဆောင်နေသည်ဟုထင်သဖြင့် ကျောက်ယွဲ့က နှုတ်ခမ်းစူထားသည်။ သူ့ဆရာသခင်က ဒီလိုထိန်းပေးနေမယ်မှန်း သူမ မသိလိုက်ဘူး။ မူလက သူမသည် တတိယသခင်မလေးအား သူမ၏သခင်လေးက အခြားအချောလှများကို ဘယ်လို ချေမိုးတွန်းထုတ်ခဲ့သည်ဆိုတာကိုပဲ မြင်စေလိုခဲ့တာ။ ယခုတော့ သူ့သဘောထားသည် လိုက်လျောညီထွေပြနေသောကြောင့် မမလေးကို သူမခေါ်ဆောင်လာသည့်အတွက် နောင်တရမိသည်။ သခင်လေးက ငြင်းသင့်တာမဟုတ်ဘူးလား!
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...