ထိုညနေပိုင်းတွင် စစ်တပ်၏ဒုတပ်မှူးကျိုးယွမ် သည် ယုံရခက်သောအမိန့်ကိုလက်ခံရရှိလိုက်ရသည်။
"ဘာပြောတယ်? ကိုယ်လုပ်တော်က သူမကို သတ်ချင်နေတာလား?"
အမျိုးသမီးအရာခံက
"အခြားသူတွေကြားသွားမှာကို သတိထားပြီး အသံကို လျှော့စမ်းပါ"
ကျိုးယွမ်သည် သူ့နောက်ကျောကိုဘက်ကနေ လက်ကိုရှေ့ထုတ်လိုက်နောက်ပို့လိုက်လုပ်နေပြီး ခဏအကြာနောက်ဆုံးတွင်တော့ရပ်တံ့သွားသည်။ သူသည် ကျန်းတိဖေးမိဖုရားကြီး၏ တင့်တယ်သောမျက်နှာကို ကြည့်ပြီး
"မယ်မယ်မိဖုရား၊ အန်းဖိန်းမင်းသမီးလေးကဧကရာဇ်မင်းမြတ်ရဲ့ အလေးပေးနှစ်သက်ခံရသူတစ်ဦးပါ။ မယ်တော်ကြီးကလည်းသူမကိုချစ်ခင်နှစ်သက်ပါတယ်။ သိပ်မကြာခင်ကပဲ သတ္တမမင်းသားနဲ့သူမက......"
ကျန်းတိဖေးမိဖုရားကြီး၏ ဆံညှပ်ဆံထိုးသည် နူးညံ့သိမ်မွေ့သောအရွက်ခြောက်လွှာနှင့် လက်ရာမြောက်သောကျောက်စိမ်းအဆင်တန်ဆာတို့ပါဝင်သည်ဖြစ်လေရာ သူမစကားပြောသောအခါတွင် တွဲလောင်းကျနေသော ဆံထိုးအမြိတ်သည်ငြင်သာစွာယမ်းခါနေသည်။
"အတိအကျပြောရရင် ယုအာအတွက်ပဲ ငါကသူမကိုအသက်ရှင်ခွင့်ပြုလို့မရနိုင်ဘူး"
ကျိုးယွမ်သည် သူ၏ဝမ်းကွဲအစ်မဖြစ်သူ ကျန်းတိဖေးမိဖုရားကြီးက တိတ်ဆိတ်စွာပြုံးနေပြီး ပုစဉ်းရင်ကွဲကောင်လိုငြိမ်သက်စွာနေသည်ကို သူကစိတ်ရှုပ်ထွေးစွာကြည့်နေမိသည်။ တိတ်ဆိတ်ငြိမ်သက်နေသည့်ကြားက သူမ၏လျင်မြန်သော အာဝဇ္ဇန်းစကားကို အခြားသူများကြားနိုင်ရန်မှာခက်ခဲလှသည်။
"ယုအာက သူမကိုသူ့ရဲ့ ပထမကြင်ရာတော်ဇနီးသည်အဖြစ်နဲ့ လက်ထပ်ချင်တယ်လို့ငါ့ကိုထုတ်ပြောလာတယ်"
ကျိုးယွမ်က ထိတ်လန့်တုန်လှုပ်သွားပြီး မယုံနိုင်စရာကောင်းတဲ့ အမူအရာဖြစ်သွားသည်။ လီဝေ့ရန်က အန်းဖိန်မင်းသမီးဖြစ်လင့်ကစား မွေးရာပါအဆင့်အတန်းက နိမ့်ပါးနေသေးတဲ့အတွက် တခြားသခင်မလေးတွေနဲ့ယှဉ်ရင် သူမကို အထင်ကြီးလောက်စရာတော့မလိုပါဘူး။ ထော့ပါယုသည် သူမအားထိမ်းမြားလိုက်ပါက လူတွေရယ်ပွဲ့ဖွဲ့စရာဖြစ်လာပေမည်ကိုသူမကကြောက်လှသည်။ သတ္တမမင်းသားသည် အခွင့်ထူးခံအထက်တန်းလွှာမင်းမျိုးနွယ်ဖြစ်သောကြောင့် ကျန်းတိဖေးမိဖုရားကြီးသည် ဝေ့ရန်အား ချွေးမအဖြစ် သဘောမကျသည်မှာမဆန်းကြယ်လှပေ။ သို့သော် သူမက မကြိုက်နှစ်သက်လို့ငြင်းလိုက်ရင်ရနေတာကို ဘာလို့များ ဒီလိုရက်စက်တဲ့ဗျူဟာဆုံးဖြတ်ချက်မျိုးကိုချမှတ်ရတာလဲ?
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...