လီဝေ့ရန်က ခေါင်းညိတ်လိုက်ပြီး ဘာမှပြန်မပြောပေ။ သူမက သူ့ကို နှစ်သိမ့်ပေးချင်ပေမယ့် သူကသူမပြောသမျှကို လက်ခံမှာမဟုတ်ဘူး။
သူက ချိုမြိန်နူးညံ့သောနွေဦးပေါက်ကဲ့သို့ ပါးချိုင့်လေးများဖြင့် ဖြည်းညှင်းစွာပြုံးပြလိုက်သည်။ သူက
“ကျွန်တော့်ကိုမွေးဖွားပြီးတာနဲ့ မင်းသမီးက ရူးသွပ်သွားခဲ့ရတယ်။ သူမ တကယ်ရူးသွပ်သွားတာလား ဒါမှမဟုတ် တခြားတစ်ယောက်ယောက်က သူမကို ရူးသွပ်သွားစေတာလားဆိုတာကို ကျွန်တော်မသိဘူး။ သူမက ဘယ်သူဖြစ်တယ်ဆိုတာရယ် ဒီကလေးက သူမရဲ့သားဖြစ်တယ်ဆိုတာကိုမမှတ်မိတော့ သားဖြစ်သူကို တစ်ကြိမ်တစ်ခါတောင်မကြည့်ဖူးဘူး။ ဧကရာဇ်က သူမကိုယ်သူမ နာကျင်မိစေမှာကိုစိုးရိမ်တဲ့အတွက် သူမကို နေ့ရောညပါ အနီးကပ်စောင့်ကြည့်ခဲ့ပေမယ့်လည်း သူမကို ဘယ်လိုပဲကောင်းကောင်းမွန်မွန်ကာကွယ်ထားထား လစ်ဟာမှုကရှိလာတယ်။ တစ်နေ့တော့ ကြာရေကန်ရဲ့ရေမျက်နှာပြင်ပေါ်မှာ လွင့်မျောနေတဲ့ သူမအလောင်းကို တွေ့ရှိခဲ့ရတယ်။ သူမက သိပ်ကို ထူးဆန်းစွာသေဆုံးသွားခဲ့ရတာကြောင့်… ဧကရာဇ်က ထိန်းမနိုင်သိမ်းမရဖြစ်ခဲ့တယ်။ သူက လူမြောက်များစွာကို ဆက်တိုက်ဆိုသလို သတ်ဖြတ်ခဲ့တယ်။ သူ့ပတ်ဝန်းကျင်ကလူတိုင်းကို သံသယရှိပေမယ့် သူက ဘယ်လောက်ပဲလူတွေကိုသတ်နေပါစေ မင်းသမီးကတော့ အသက်ပြန်မရှင်လာနိုင်ခဲ့ဘူး။ သူက ထိတ်လန့်ကြောက်ရွံ့လာပြီး ဘယ်နေရာကမှ မလုံခြုံတော့ဘူးလို့ ခံစားလာရတယ်။ ဒါ့အပြင် သူက ကလေးကို စစ်မှန်တဲ့နေရာတစ်ခု ပေးလိုတာကြောင့် ကလေးကို သူ့ရဲ့သစ္စာစောင့်သိတဲ့ငယ်သားဆီအပ်နှံဖို့ အမိန့်ပေးခဲ့တယ်။ သူက ကလေးကို ဝေးလံခေါင်သီတဲ့ရွာတစ်ရွာကို ခေါ်သွားခိုင်းစေပြီး ကလေးကြီးပြင်းလာချိန်အထိစောင့်ရင်း ပြန်ခေါ်လာစေဖို့ အစောင့်အကြပ်များစွာ စေလွှတ်ခဲ့တယ်။ တို့ယီအမည်နဲ့ တိုင်းပြည်အစွန်းက ကျေးလက်တောရွာကိုသွားခဲ့ကြတယ်။ ငယ်သားက ကလေးနဲ့အတူ အဲ့ဒီနေရာမှာ ၄နှစ်ကြာ နေထိုင်ခဲ့တယ်။ နောက်ဆုံးတော့ အဲ့ဒီ့ငယ်သားလည်း အသတ်ခံရလိုက်တော့ ဒီအကြောင်းကိုသိရှိတဲ့မူလအစောင့်ကြပ်တွေထဲကတစ်ဦးပဲ လွတ်မြောက်ခဲ့ရတယ်။ ကျန်တဲ့တခြားလူတိုင်းက အသတ်ခံခဲ့ရတယ်။ ဒါတင်မကသေးဘူး။ တစ်ညတည်းမှာပဲ ရွာက ၄နှစ်အရွယ်ကလေးတွေအားလုံး အသတ်ခံခဲ့ရတယ်။ ဧကရာဇ်အပါအဝင် လူတိုင်းက ကလေးသေသွားပြီလို့ ထင်ခဲ့ကြတယ်”
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...