တစ်နာရီကြာပြီးနောက် ကျောင်းယွိလန်သည် လီချန်းရှောင်နှင့်လီဝေ့ရန်တို့ကို အိမ်ရှေ့စံ၏အိမ်တော်သို့ ခေါ်ဆောင်သွားသော်လည်း ဒုတိယသခင်မသည် သူမ၏သမီးကို မတက်ရောက်စေခဲ့ပေ။ ဒုတိယသခင်လေး၏ အိမ်ထောင်ရေးကို စီမံကြောင်းလမ်းပြီးနောက် ဒုတိယသခင်မသည် ချက်ချင်းဆိုသလိုပင် လီချန်းယွိကို နန်အန်းနယ်စားကြီး၏ဒုတိယသားဖြစ်သူနှင့်လက်ထပ်ပေးရန်မစောင့်နိုင်တော့ဘူး။ ယခုလည်း သူမသည် စုန့်ယန်ကျွင်းကို မိသားစုအဖြစ်လက်ထပ်ပြီးဝင်လာရန် စောင့်ဆိုင်းနေသောကြောင့် အလွန်အလုပ်များနေသည်။ ထို့ထက်၊ ဤအခါသမယတွင် သူမတို့သည် ပါဝင်ဆင်နွှဲရန် မလိုအပ်တော့ဘူးမလား.... ယခုတော့ ဝမ်းနည်းပူဆွေးခြင်း၃နှစ် သက်တမ်းကုန်ဆုံးသွားသဖြင့် လက်မထပ်ရသေးသော လီဝေ့ရန်နှင့်လီချန်းရှောင်တို့ သခင်မလေး၂ဦးအတွက် လီသခင်မကြီးသည် သူမတို့အတွက် သင့်လျော်သော ယောက္ခမလောင်းများကို စတင်ရှာဖွေပေးနေပြီဖြစ်သည်။ ပွဲအခမ်းနားဆိုတာ ရှာဖွေဖို့ အခွင့်အရေးကောင်းတစ်ခုပဲလေ။
လီဝေ့ရန်သည် ခရမ်းဖျော့ရောင်ချည်ခင်သားကို အစိမ်းရောင်ဝါးဖောက်ပန်းထိုးခြယ်လှယ်ထားသည့်စကတ်ကို ဝတ်ဆင်ထားသည်မှာ ရိုးရှင်းပြီးပနံရသဖြင့် လှပနေကာ လူအများ၏အာရုံစိုက်မှုကို ရရှိနေသည်။ အမှန်တကယ်ပင်၊ လွန်ခဲ့သည့် ၃လအတွင်းတွင် လီဝေ့ရန်သည် မြို့တော်တွင် သူမ၏အမည်နာမဂုဏ်ပုဒ်ကို ရယူနိုင်ခဲ့ပြီး လူသိများသော ပုဂ္ဂိုလ်တစ်ဦးဖြစ်လာခဲ့သည်။
လီချန်းရှောင်သည် ပန်းရောင်ပိုးသားဝတ်စုံကို ၀တ်ဆင်ထားပြီး တောက်ပ၍ လှပနေသော်လည်း လူတိုင်း၏မျက်လုံးတွင်တော့ စိတ်မသက်မသာဖြစ်နေပုံပေါ်နေသည်မှာထင်ရှားသည်။ ကျောင်းယွိလန်သည် ဘာမှမဖြစ်ခဲ့သလိုမျိုး သူမတို့နှစ်ယောက်နှင့်အတူ လျှောက်လှမ်းလာသည်။ ဒီအချက်တွင်တော့ လီဝေ့ရန်သည် ဒီမေမေလေးကို အလွန်လေးစားရသည်။ သူမကို နောက်ဆုံးအကြိမ်တုန်းက လီချန်းလဲ့နဲ့ပေါင်းစည်းခဲ့ပြီးချောက်ချတဲ့အဖြစ်အပျက်အပြီးမှာ ကျောင်းယွိလန်သည် ဝေ့ရန်ကို မြင်လိုက်ရတဲ့အခါ တိုင်းအပြစ်ရှိသလို မခံစားပြပဲ ပျော်ရွှင်ပြနိုင်သေးသည်။ ဒီလို သည်းခံနိုင်ရည်ရှိဖို့က သာမန်လူတွေ လုပ်နိုင်တဲ့ အရာတော့ မဟုတ်ဘူးလေ။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...