သခင်မကြီးရဲ့အကြိုက်ဆုံးကြက်တူရွေးက ကြောင်စားတာကိုခံလိုက်ရတယ်။
ဒါက အမတ်ချုပ်ကြီးရဲ့အိမ်တော်ထဲမှာအလျင်အမြန်ပေါ်ပေါက်လာသော ကိစ္စကြီးတစ်ခုပင်။ ပထမသခင်မသည် ဟယ်ရှင်းယွမ်အဆောင်ဆီကို အမြန်ဦးတည်လာသည်။
သူမ၏အဖိုးတန်ကြောင်ကံကောင်းလေးကို ပွေ့ချီထားသည့်လီချန်းလဲ့သည် ခြံဝန်းထဲသို့ဝင်ဝင်လာခြင်းလျှင်ပင် သခင်မကြီး၏ဒေါသထွက်သံကိုကြားလိုက်ရသည်။
"မင်းဘယ်လိုများ ဒီသားရဲကောင်ကို ဒီနေရာဆီ ခေါ်လာဝံ့တာလဲ!"
ကြောက်လန့်ငေးကြောင်နေသော လီချန်းလဲ့သည်အခြားလူအားလုံးကိုပါ အံ့သြစွာကြည့်လိုက်မိသည်။ သို့သော်လူတိုင်းသည် ရင်တမမ ဖြစ်နေသည်။ ဘယ်သူကမှစကားတစ်ခွန်းမျှမပြောရဲပေ။
ဒါကိုကြားတော့ ပထမသခင်မက ၂ကြိမ်လောက်ချောင်းဟန့်လိုက်သည်။
"သခင်မကြီး၊ သခင်မကြီးရဲ့ကြက်တူရွေးကို ချန်းလဲ့ရဲ့ကြောင်က စားခဲ့တာမဖြစ်နိုင်ပါဘူး။ တောကြောင်ရိုင်းတစ်ကောင်ကောင်ကများ..."
"တောရိုင်းကြောင်? ဘယ်နေရာကများတောရိုင်းကြောင်က ရောက်လာတာလဲ။ ဒါဆိုလည်း မင်းသွားပြီး အဲ့တောကြောင်ကိုဖမ်းပြီးငါ့ရှေ့ကိုယူလာခဲ့လေ"
သခင်မကြီး၏အမူအရာသည် ယခုကဲ့သို့အေးစက်နေသည်မှာရှားပါးလှသည်။ သူမက ဒေါသထွက်လွန်းလို့စကားတောင်ကောင်းကောင်းမပြောနိုင်ဘူး။
ပထမသခင်မသည် ဤအချိန်ထိ သခင်မကြီး၏ အမျက်ဒေါသကိုတစ်ခါမှမကြုံဖူးခဲ့သဖြင့် သူမက အခြားဘာကိုမှမပြောဝံ့ပေ။
လီချန်းလဲ့သည် ကြောင်ကိုအမြန်လွှတ်ချလိုက်ပြီး ရှေ့သို့တိုးလာသည်။
"သခင်မကြီး၊ ဒီကြောင်ကံကောင်းလေးက အစ်ကိုကြီးပေးထားတာဆိုတော့ ရတနာတစ်ခုလိုပါပဲ။ သူက နာခံမှုရှိရုံသာမကကြောက်လန့်တတ်ပါသေးတယ်။ ဒီလိုမျိုးလုပ်မှာမဟုတ်တာသေချာ... "
သူမ၏စကားဝါကျမဆုံးနိုင်ခင်မှာဘဲ သခင်မကြီးက သူမ၏မျက်နှာကို တံတွေးဖြင့်ထွေးလိုက်သည်။
KAMU SEDANG MEMBACA
လီဝေ့ရန် (ပထမတွဲ) Unicode
Fiksi SejarahOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...