လီချန်းလဲ့သည် သူမ၏ခြံဝန်းသို့ပြန်လာပြီးနောက် တန်ရှင်းအားဤကိစ္စနှင့်ပတ်သက်၍ တိတ်တဆိတ်မေးမြန်းရန် ခိုင်းစေလိုက်သည်။ တန်ရှင်းပြန်လာသောအခါ လီချန်းလဲ့က မစောင့်နိုင်တော့ပဲ
“သူတို့ဘာပြောကြလဲ” ဟုမေးတော့သည်။
တန်ရှင်းက
“ဒီအစေခံက သမားတော်၇ယောက်၊ ၈ယောက်လောက်ကိုတွေ့ခဲ့ပါတယ်။ သူတို့အားလုံးက အချင်းမှာအကျိုးကျေးဇူးတွေရှိသလို မိန်းကလေးတစ်ယောက်ရဲ့အလှကိုလည်းအာဟာရဖြည့်ပေးနိုင်တယ်ဆိုပြီး အတည်ပြုပေးကြတယ်။ ဒါ့အပြင် နန်းတော်ထဲက မယ်မယ်မိဖုရားတော်တော်များများလည်း ဒါကိုစားသုံးကြပါတယ်တဲ့။ ကြည့်ရတာတော့ ပဉ္စမသခင်မလေးပြောခဲ့တဲ့စကားကမှားပုံမရပါဘူး"
လီချန်းလဲ့သည် ဆေးဖက်ဆိုင်ရာစာအုပ်များတွင်ယခင်ကမြင်ဖူးခဲ့သော်လည်း နောက်ဆုံးတော့ ထိုသို့သွေးထွက်သံယိုအရာများကို သူမကပုံမှန်မဟုတ် ရွံမုန်းဖွယ်ကောင်းတယ်ဟုခံစားခဲ့ရသည်။ ယခုတော့လီချန်းရှီက ဒါကိုသူမရဲ့အလှအပအတွက် အာဟာရဖြည့်ရန်သုံးစွဲနေသည်ကိုမြင်မိတော့ ဒီသွေးဆောင်မှုကို မတွန်းလှန်နိုင်ဖြစ်နေရသည်။
ထိုညတွင်လီချန်းလဲ့သည် ရွှမ်ယုကောအဆောင်ဆီသို့တိတ်တဆိတ်သွားခဲ့သည်။ လီချန်းရှီသည်ဧည့်ခန်းဆောင်တစ်ခုတွင်ထိုင်နေသည်။ အစေခံတစ်ဦးသည် ဗန်းတစ်ခုကိုဘေးသို့သယ်လာပြီးသူမ၏အနားသို့ချဉ်းကပ်လာသည်။ ဗန်းပေါ်တွင်သေးငယ်သောပန်းကန်တစ်လုံးရှိနေသည်။ ထုံးစံအတိုင်းပင် လီချန်းရှီကခွက်ရဲ့အဖုံးကိုမကာ ဂရုတစိုက်စားနေတော့သည်။
လီချန်းလဲ့သည် ထူးဆန်းသောရနံ့တစ်ခုကိုခံစားမိသဖြင့် တံခါးဝမှတဆင့်အသာလေး လျှောက်လာမိသည်။
ဤစွဲမက်ဖွယ်ကောင်းသောအနံ့သည် လတ်ဆတ်သော သွေး၏အရိပ်အမြွက်ပင်ဖြစ်သည်။ လီချန်းလဲ့သည် သူမ၏နှာခေါင်းကိုအလိုလိုပိတ်လိုက်မိသော်လည်း ချက်ချင်းပင်ဖြည်းဖြည်းချင်း ပြုံးလျက်ဆံပင်ကိုသပ်ကာ
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...