ထိုသူကား အသည်းအသန်ရောက်လာသော လီမင်ဖန်ပင်။ တစ်ချက်ကြည့်လိုက်တော့ မြေပြင်ပေါ်ရှိအသက်ရှုကြပ်နေသောပထမသခင်မနှင့် ဘေးတွင်ရပ်နေသော စတုတ္တကိုယ်လုပ်တော်ကိုမြင်လိုက်ရသည်။
"အမေ၊ ဘာဖြစ်တာလဲ!"
စတုတ္တကိုယ်လုပ်တော်က
"ပထမသခင်လေး၊ သခင်မဘာလို့ဒီလိုဖြစ်သွားလဲ ငါတို့အားလုံးလည်းမသိကြပါဘူး။ သူမက ဒီလိုကြီးနေမကောင်းဖြစ်နေတယ်!"
စကားပြောနေရင်း သူမသည် ပထမသခင်မကိုကူညီတွဲကူရန်သွားလိုက်သည်။
ပထမသခင်မသည် စကားပင်မပြောနိုင်ဘဲ စိမ်းဖျော့ဖျော့မျက်နှာသာဖြစ်နေသဖြင့် လီမင်ဖန်ကသိပ်စဥ်းစားမနေတော့ဘဲစတုတ္တကိုယ်လုပ်တော်ကို ဒေါသတကြီးဖြင့်ကန်လိုက်ကာ
"ကျုပ်အမေ့ကို မထိနဲ့။ ထွက်သွားစမ်း!"
အကန်ခံရပြီးနောက် စတုတ္တကိုယ်လုပ်တော်၏ တစ်ကိုယ်လုံးသည် မြေပြင်ပေါ်တွင်လဲကျသွားပြီး သူမ၏နဖူးမှချွေးအေးများစီးကျလာသဖြင့် မျက်နှာသည် ဖြူဖျော့သွားရသည်။ လီချန်းရှောင်က သူမကိုကူညီတွဲပေးရင်း ပြင်းထန်တဲ့ဒဏ်ရာကိုမြင်တော့ သိပ်အများကြီးမတွေးဘဲ လီရှောင်ရန်ဆီကိုလှည့်ကြည့်လိုက်ကာ
"ဖေဖေ၊ အမေက ကိုယ်လုပ်တော်တစ်ယောက်ပါပဲ။ ဒါပေမယ့် သူက ဖေဖေ့ရဲ့ကိုယ်လုပ်တော်လေ။ အစ်ကိုကြီးက အငယ်တစ်ယောက်ဖြစ်နေတာတောင် သူကဘယ်လိုလုပ် အမေ့ကိုဒဏ်ရာရအောင်လုပ်နိုင်ရတာလဲ?!"
ဒီတစ်ချက်က စတုတ္တကိုယ်လုပ်တော်ကို မထိခိုက်စေဘဲ လီရှောင်ရန်ရဲ့မျက်နှာကို ဖြတ်ကန်လိုက်သလိုပင်။ လီဝေ့ရန်သည် စတုတ္တကိုယ်လုပ်တော်၏နှုတ်ခမ်းထောင့်မှ ထူးဆန်းသောအပြုံးတစ်ခုကိုတွေ့လိုက်ရခြင်းဖြင့် သိသာထင်ရှားသည်မှာ သူမသည်လီမင်ဖန်အားပြဿနာပိုဖြစ်စေလိုရန်တမင်ရည်ရွယ်၍ ဒေါသထွက်စေသည်ဟူသောအချက်ပင်။
သေချာပေါက်ကိုပင် လီရှောင်ရန်က သူ့သွေးကြောတွေတုန်လာတဲ့အထိ ဒေါသဖြစ်နေပြီဖြစ်သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...