ထော့ပါကျန်း၏အမူအရာသည် ရုတ်တရက် ပြောင်းလဲသွားရသည်။ စက္ကန့်ပိုင်းလောက် သူ့မျက်လုံးတွေက အခြေအနေမကောင်းသယောင်ပေါ်လာခဲ့ပေမယ့် လီယွမ်ဟန့်က သတိတောင်မထားမိလိုက်တာကတော့ နှမြောစရာပင်။ ထော့ပါကျန်းက သူ့စိတ်ထဲက ဒေါသတွေကိုမျိုသိပ်ပြီး ပြောလိုက်သည်မှာ
"အဲဒါ လီဝေ့ရန် မဟုတ်ဘူးလား? သူမရဲ့ အသွင်အပြင်က အကောင်းဆုံးမဟုတ်သလို အရည်အချင်းအရလည်း သာမန်အဆင့်ပါပဲ။ အဆင့်အတန်းအရတော့ မင်းသမီးဆိုတဲ့ ခေါင်းစဉ်တပ်ထားပေမယ့်လည်း နာမည်သက်သက်ပဲရှိတာပါ။ စတုတ္ထမင်းသားကတော့ သေချာမသိလောက်ပေမယ့် သူမရဲ့မိခင်က အမတ်ချုပ်ကြီးလီကို ခစားရတဲ့ ခြေဆေးအစေခံတစ်ယောက်ပဲ။ ဒါကို လူတိုင်းလည်းသိတယ်။ မိုဖေ့ရဲ့ မင်းသားတစ်ပါးအနေနဲ့ ဒီလိုမိန်းမမျိုးနဲ့ လက်ထပ်လိုက်လို့ လှောင်ပြောင်သရော်ခံရမှာကို မစိုးရိမ်ဘူးလား? တကယ်ဆို မင်းသားက ကျုပ်ရဲ့ နှမတော်လို တော်ဝင်သွေးစစ်မှန်တဲ့အမျိုးသမီးပျိုမျိုးကို ရွေးသင့်တာပေါ့!”
"ဒါက မမှန်ကန်နေဘူး"
လီယွမ်ဟန့်သည် တစ်ဖက်လူ၏စကားတွင် မကျေမနပ်ဖြစ်နေမှုကို ရှင်းရှင်းလင်းလင်း ကြားလိုက်ရသည်။ လီယွမ်ဟန့်၏အမူအရာကတော့ ပြောင်းလဲခြင်းမရှိပေ။ သူက ပြုံးနေသေးပေမယ့် ရုတ်တရက် သူ့ပါးစပ်ကပြောထွက်လာသည်မှာ
"ကျုပ် ပြောရဲတယ်။ သူမမှာသာ အရည်အချင်းမရှိရင် ခင်ဗျားတို့ဧကရာဇ်မင်းက မင်းသမီးဘွဲ့ကို ဘယ်လိုလုပ် အပ်နှင်းပါ့မလဲ? ကျုပ် မင်းသားကို ဖုံးကွယ်မနေတော့ပါဘူးလေ။ ကျုပ်က ချစ်စရာကောင်းပြီး နူးညံ့သိမ်မွေ့တဲ့ တာ့လီမင်းသမီးတွေကို မနှစ်သက်ဘူး။ ပြီးတော့ ဂုဏ်ကျက်သရေရှိတဲ့ အိမ်တော်တွေက အမြဲကဗျာရွတ်ဖတ်ပြနေပြီး သီချင်းသီဖွဲ့နေတဲ့သမီးမိန်းကလေးတွေကိုလည်း မနှစ်သက်ဘူး။ ထက်မြက်ပြီး လိမ္မာပါးနပ်တဲ့မိန်းမတွေကိုပဲ နှစ်ခြိုက်တယ်။ မင်းသားလည်း ကျုပ်ကို ဘာမှဖုံးကွယ်ထားစရာ မလိုပါဘူး။ သူမနဲ့ပတ်သက်တဲ့ အရာအားလုံးကို ကျုပ်ကြားပြီးသွားပြီ။ ပြီးတော့ ကျုပ် သူမကို လိုချင်တယ်!"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...